[ÖRFÍ]Málþing um faraldur streptokokkasýkinga í íslenskum hrossum

[Birkir Þór]

*Málþing um faraldur streptokokkasýkinga í íslenskum hrossum*

Faraldur smitandi hósta gekk yfir hrossastofninn árið 2010. Þrátt fyrir 
að um tiltölulega vægan sjúkdóm væri að ræða hafði hann lamandi áhrif á 
hestamennskuna í landinu og alla atvinnustarfsemi henni tengdri. 
Matvælastofnun, Tilraunastöðin á Keldum og Dýralæknafélag Íslands boða 
til málþings um faraldur streptokokkasýkinga í íslenskum 
hrossum*föstudaginn 17. apríl kl. 10:30 – 17:00* í sal Íslenskrar 
erfðagreiningar að Sturlugötu 8 í Reykjavík. Dagskrá málþings er að 
finna á íslensku og ensku í viðhengjum.

Langan tíma tók að greina orsök sjúkdómsins, m.a. vegna þess að þekkingu 
skorti á stofnabreytileika hinnar annars vel þekktu bakteríu 
/Streptococcus zooepidemicus/, sem fyrst og fremst var talin fylgja í 
kjölfar annarra sýkinga. Með sameindalíffræðilegum aðferðum  og tengingu 
þeirra við faraldsfræðileg gögn auk þess sem veirusýkingar voru 
útilokaðar, var sýnt fram á að nýr stofn/S. zoo/. auðkenndur ST209, 
hafði borist til landsins og valdið faraldrinum.  Stofninn reyndist ekki 
mjög sjúkdómsvaldandi þar sem hann er ekki með svokölluð „superantigen“, 
en ríkulega búinn hæfileikum til að klístra sig við slímhúð (pilus) og 
valda langvarandi hósta. Kom það heim og saman við sjúkdómsmyndina.

Margan lærdóm má draga af faraldri smitandi hósta árið 2010 en til að 
svo megi verða þarf að kynna ítarlega þær aðferðir sem leiddu til 
niðurstöðu um orsakir sjúkdómsins.

Mikilvægast er að við gerum okkur grein fyrir að margir fleiri stofnar 
bakteríunnar – og mun meira sjúkdómsvaldandi – gætu borist með sama 
hætti til landsins. Ber þar einkum að líta til/Streptococcus equi/ sem 
er sérhæfður sjúkdómsvaldur hjá hrossum og veldur kverkeitlabólgu. 
  Sértæk viðbragðsáætlun vegna kverkeitlabólgu verður kynnt á málþinginu.

Aðalfyrirlesarar málþingsins gegndu lykilhlutverki við greiningu 
sjúkdómsins og eru leiðandi í rannsóknum á þessu sviði á heimsvísu:

  * Andrew Waller,  Centre for Preventive Medicine,  Animal Health
    Trust, Newmarket
  * Richard Newton, Centre for Preventive Medicine,  Animal Health
    Trust, Newmarket


Málþingið er öllum opið og aðgangur er ókeypis. Fyrirlestrar og umræður 
fara fram á *ensku*.

Hægt er að skrá sig í hádegisverð í Norræna húsinu á netfangið 
skraning at mast.is <mailto:skraning at mast.is> fyrir 14. apríl. 
Hádegisverðurinn kostar 3400 kr.

_______________________________________________________________

Birkir Þór Bragason
Tilraunastöð H.Í. í meinafræði að Keldum
-------------- next part --------------
An HTML attachment was scrubbed...
URL: <http://listar.hi.is/pipermail/gerlanet/attachments/20150414/ac715ee9/attachment-0001.html>
-------------- next part --------------
A non-text attachment was scrubbed...
Name: Bor?i ?slenskur - JPEG format_ed.jpg
Type: image/jpeg
Size: 19012 bytes
Desc: not available
URL: <http://listar.hi.is/pipermail/gerlanet/attachments/20150414/ac715ee9/attachment-0001.jpg>
-------------- next part --------------
A non-text attachment was scrubbed...
Name: MalthingSmitandihostiDagskra_IS.pdf
Type: application/pdf
Size: 496843 bytes
Desc: not available
URL: <http://listar.hi.is/pipermail/gerlanet/attachments/20150414/ac715ee9/attachment-0002.pdf>
-------------- next part --------------
A non-text attachment was scrubbed...
Name: Program-english.pdf
Type: application/pdf
Size: 489187 bytes
Desc: not available
URL: <http://listar.hi.is/pipermail/gerlanet/attachments/20150414/ac715ee9/attachment-0003.pdf>