[Gandur] Þjóðháttasöfnun við Þjóðminjasafn Íslands
frettatilkynning at thjodminjasafn.is
frettatilkynning at thjodminjasafn.is
Fri Nov 20 14:25:07 GMT 2009
Þjóðháttasöfnun við Þjóðminjasafn Íslands
Þriðjudaginn 24. nóvember mun Ágúst Ó. Georgsson fagstjóri Þjóðháttasafns
Þjóðminjasafns Íslands kynna þjóðháttasöfnun í hádegisfyrirlestri í
fyrirlestrasal Þjóðminjasafnsins. Í erindinu verða starfsemi og áherslur
Þjóðháttasafnsins kynntar og farið yfir helstu þætti í sögu þess.
Fyrirlesturinn hefst kl. 12:05. Aðgangur er ókeypis og allir velkomnir.
Í um fimmtíu ár hefur Þjóðminjasafn Íslands staðið að söfnun upplýsinga um
starfshætti og lífsvenjur Íslendinga. Árið 1959 var hafinn undirbúningur
að skipulegri þjóðháttaskráningu á vegum safnsins og var þá send út
frumgerð spurningaskrár um slátrun til sjö einstaklinga. Reglubundin
þjóðháttasöfnun hófst 1960 og hefur hún staðið óslitið í tæplega hálfa
öld. Þjóðháttadeild, síðar Þjóðháttasafn, var stofnuð við safnið í byrjun
árs 1964 og var þá skipaður fastur stafsmaður við deildina. Sendar hafa
verið út 2-3 spurningaskrár á ári en þar að auki hefur verið tekinn fjöldi
viðtala gegnum tíðina, oft í tengslum við ýmsar spurningaskrár og aðra
heimildasöfnun. Fyrstu áratugina var mikið horft til gamla
bændasamfélagsins en upp úr 1980 beindust sjónir að lifnaðarháttum í
þéttbýli og seinna að söfnun úr samtímanum. Söfnunin hefur tekið til
hversdagsmenningar Íslendinga, þjóðhátta og þjóðtrúar, allt frá
matarhefðum og merkisdögum til fiskvinnslu og fjölmiðla.
Með bestu kveðju,
Helga Vollertsen
Kynningarstjóri
Þjóðminjasafni Íslands
v/Suðurgötu
101 Reykjavík
s. 5302222/gsm 8242039
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20091120/82afe56c/attachment-0001.html
-------------- next part --------------
A non-text attachment was scrubbed...
Name: not available
Type: image/gif
Size: 32064 bytes
Desc: not available
Url : http://listar.hi.is/pipermail/gandur/attachments/20091120/82afe56c/attachment-0001.gif
More information about the Gandur
mailing list