[Gandur] Þjóðminjasafn Íslands auglýsir laust til umsóknar starf sviðstjóra miðlunarsviðs
frettatilkynning at thjodminjasafn.is
frettatilkynning at thjodminjasafn.is
Sun Mar 18 20:25:00 GMT 2007
Laust starf sviðstjóra miðlunarsviðs Þjóðminjasafnsins
Þjóðminjasafn Íslands er vísinda- og þjónustustofnun og höfuðsafn á sviði
þjóðminjavörslu og rannsókna á menningarsögulegum minjum í landinu.
Hlutverk þess er að auka og miðla þekkingu á menningararfi íslensku
þjóðarinnar. Þjóðminjasafn Íslands starfar á grundvelli safnalaga nr.
106/2001 og þjóðminjalaga nr. 107/2001.
Þjóðminjasafn Íslands auglýsir laust til umsóknar starf sviðstjóra
miðlunarsviðs.
Helstu verkefni miðlunarsviðs eru tengd sýningum, safnfræðslu, útgáfu,
margmiðlun, kynningar- og markaðsmálum, safnbúð og fleiru sem lýtur að
miðlun og fræðslu á verksviði Þjóðminjasafni Íslands.
Ábyrgð og verksvið:
Fagleg ábyrgð á starfsemi sviðs og dagleg verkstjórn. Ábyrgð á að áherslur
og forgangsröðun verkefna samrýmist stefnu Þjóðminjasafns Íslands og
fjárhagsramma sviðs. Verkstjórn og umsjón með starfsemi í safnhúsi.
Samskipti við stofnanir, rannsóknarsjóði og samstarfsaðila.
Menntunar- og hæfniskröfur:
Háskólapróf nauðsynlegt, MA próf eða sambærileg menntun æskileg.
Menntun og reynsla:
Reynsla af stjórnun og stefnumótun.
Reynsla af safnastarfi.
Færni í íslensku, ensku og einu Norðurlandamáli, jafnt töluðu sem rituðu
máli.
Færni í mannlegum samskiptum.
Frumkvæði og sjálfstæði í starfi og öguð vinnubrögð.
Um er að ræða fullt starf og æskilegt er að viðkomandi geti hafið störf
sem fyrst. Við ráðningar í störf er tekið mið að jafnréttisáætlun
stofnunarinnar. Um launakjör fer samkvæmt kjarasamningi viðkomandi
stéttarfélags og fjármálaráðherra.
Umsókn með ferilskrá sendist Þjóðminjasafni Íslands, Suðurgötu 43, 101
Reykjavík fyrir 26.mars 2007. Upplýsingar veitir Margrét Hallgrímsdóttir
þjóðminjavörður (margret at thjodminjasafn.is) í síma 530-2200.
Starfsmaður taki þátt í því að Þjóðminjasafn Íslands nái markmiðum sínum
sem vísinda-og þjónustustofnun. Starfsmaður leggi áherslu á góða þjónustu
og ráðgjöf, fagleg og ábyrg vinnubrögð og jákvætt skapandi andrúmsloft á
vinnustað.
Bestu kveðjur / Best regards
Rúna K. Tetzschner
kynningarstjóri / Public Relation Manager
Þjóðminjasafn Íslands / National Museum of Iceland
Suðurgötu 41 - 101 Reykjavík
fars. 824-2039, s. 530-2222 eða 5302248
netf. runa at thjodminjasafn.is
veff. http://www.thjodminjasafn.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20070318/0e036d76/attachment.html
More information about the Gandur
mailing list