[Gandur] Fyrirlestur Hélène Magnússon um rósaleppaprjón og íleppamynstur 16. nóv. kl. 12:10 –
frettatilkynning at thjodminjasafn.is
frettatilkynning at thjodminjasafn.is
Tue Nov 14 14:36:44 GMT 2006
Fyrirlestur Hélène Magnússon um rósaleppaprjón og íleppamynstur.
Í fyrirlestrarsalnum í Þjóðminjasafninu 16. nóv. kl. 12:10 – sýning á
verkum hennar á Torginu
Fimmtudaginn 16. nóv. kl. 12:10 mun listakonan Hélène Magnússon flytja
erindi um rósaleppaprjón og íleppamynstur í fyrirlestrarsalnum í
Þjóðminjasafni Íslands. Hélène mun m.a. kynna bók sína Rósaleppaprjón í
nýju ljósi sem nýlega kom út hjá Sölku forlagi. Hún hefur hannað eigin
prjónamynstur, íleppa og flíkur með rósaleppaprjóni. Í fyrirlestrinum
rekur hún sögu hins forna íslenska rósaleppaprjóns og aðferðir við gerð
íleppa. Rósaleppar eða íleppar eru prjónuð innlegg sem voru notuð í
sauðskinnsskó eða roðsskó til þæginda og skrauts. Segja má að Hélène haldi
til haga gamalli séríslenskri þekkingu sem nánast hefur glatast en
jafnframt gefur hún fólki hugmyndir um hvernig megi hagnýta þessa þekkingu
við nútímahönnun. Sýning stendur yfir á verkum Hélène á Torginu í
Þjóðminjasafninu og fá gestir nú gott tækifæri til að skoða hana í
tengslum við fyrirlestur listakonunnar sjálfrar. Það er ókeypis inn og
hannyrðafólk er hvatt til að fjölmenna.
Sýningin stendur til 2. des.
Hélène Magnússon er fædd í Frakklandi árið 1969. Hún lauk meistaraprófi í
lögum og starfaði um skeið sem lögmaður í París en söðlaði um árið 1995 og
flutti til Íslands þar sem hún hóf síðar myndlistar- og hönnunarnám.
Hélène útskrifaðist frá textíl- og fatahönnunardeild Listaháskóla Íslands
árið 2004 og hefur tekið þátt í nokkrum hönnunarsýningum á Íslandi og
erlendis. Hún starfar nú sjálfstætt sem hönnuður og sækir gjarnan
innblástur í gamla íslenska handmennt sem hún túlkar af mikilli hollustu
en þróar jafnframt á nýjan og ferskan hátt.
Sjá nánar um Hélène á slóðinni www.helenemagnusson.com
Bestu kveðjur / Best regards
Rúna K. Tetzschner
kynningarstjóri / Public Relation Manager
Þjóðminjasafn Íslands / National Museum of Iceland
Suðurgötu 41 - 101 Reykjavík
fars. 824-2039, s. 5302248 eða 530-2222
eða 691-3214
netf. runa at thjodminjasafn.is
veff. http://www.thjodminjasafn.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20061114/b1d5ed39/attachment.html
More information about the Gandur
mailing list