[Gandur] Þemakvöld Félags þjóðfræðinga
Aðalheiður Guðmundsdóttir
adalh at hi.is
Mon Sep 12 09:15:33 GMT 2005
Kæru Gandverjar,
nú er vetrarstarf Félags þjóðfræðinga á íslandi að hefjast og verður
vetrardagskráin blómleg sem aldrei fyrr. Meðal þess sem félagið
stendur fyrir eru svokölluð „þemakvöld“ - sem er nýbreytni. Fyrsta
þemakvöldið verður n.k. miðvikudagskvöld (14. september) í húsi
Sögufélagsins við Fischersund og hefst kl. 20.00. Kvöldið ber
yfirskriftina „Jólin nálgast - eða hvað?“ Dagskrá kvöldsins er
svohljóðandi:
1) Vilborg Davíðsdóttir: ,,Þrettánda í jólum þá fer allt af stað":
Rannsókn á þrettándasiðnum á Þingeyri og öðrum áþekkum grímu- og
heimsóknasiðum á Íslandi. Vilborg kynnir hér BA-ritgerð sína í
þjóðfræði, en hún fékk verkefnisstyrk Félagsstofnunar stúdenda fyrir
hana síðast liðið vor. Titill ritgerðarinnar vísar í þetta
skemmtilega kvæði frá Þingeyri:
Ennþá birtast eins og fyrr Jólasveinar
halda heim
álfar tröll og þý, hafa
tóman mal,
Grýla og
Leppalúði gæfa er að gefa
lifna við á ný. og
gleði veita skal.
Hafa búferli flutt
Sýnum festu og fjör
forynjur um
hlað, frjálsa gamla tíð,
þrettánda í
jólum tökum vel á móti
þá fer allt af
stað. þessum magnaða lýð!
(Elís Kjaran Friðfinnsson, 1996: 4).
2) Árni Björnsson flytur erindið 'Upp á stól stendur mín kanna', þar
sem hann mun ræða um uppruna og þróun þessa vísunnar. Eins og allir
muna hefur fyrir hver undanfarin jól hafist upp umræða og jafnvel
deilur um vísuna og texta hennar. Er þetta jólakvæði eða ekki?
Hvernig er „réttur“ texti?
Skyldumæting! Nauðsynlegt að vera vel inni í umræðunni fyrir næstu jól.
Eftir framsögn þeirra Vilborgar og Árna verða umræður, þar sem fólki
gefst kostur á að spyrja fyrirlesara og koma með ábendingar.
Vonumst til að sjá ykkur sem flest!
Stjórnin
Aðalheiður Guðmundsdóttir
Stofnun Árna Magnússonar
Árnagarði við Suðurgötu
tel.: (354)8680306/(354)5520510
http:www.hi.is~adalh
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20050912/c2a426b2/attachment.html
More information about the Gandur
mailing list