[Gandur] Hvernig borg?

[Listasafn Reykjavíkur]

Listasafn Reykjavíkur
--------------------------------------------------------------------------------
Hvernig borg? 




Fréttabréf þetta er á myndrænu formi hér
http://phoenix.gagarin.is/email-manager/archive.php/id/1360,36,c0eac0f220d41cf636751a01ceeb1e1c


Viðburðir framundan

Aðsókn hefur verið góð að sýningum Listasafns Reykjavíkur í Hafnarhúsi frá því að þær voru opnaðar síðastliðinn föstudag. Á sýningunni Hvernig borg má bjóða þér? hefur þátttaka gesta verið með mjög góðu móti og sýnt að fjöldinn allur er reiðubúinn að leggja sitt af mörkum til að hafa áhrif á mótun framtíðarborgarinnar. Á næstu dögum heldur dagskráin áfram og verður sem hér segir:

Fimmtudagur 15. september kl. 20
Rápað um borgina með Ilmi Stefánsdóttur myndlistarkonu
Á meðan á sýningunni stendur verður boðið upp á gönguferðir sem hvetja menn til að velta fyrir sér borgarlífinu og spurningunni - Hvernig borg má bjóða þér?  Ilmur Stefánsdóttir leiðir göngu á nokkra valda staði í borginni þar sem notuð verða ýmis hjálpartæki til að skynja og sjá borgina í nýju ljósi. Farsíminn gæti reynst góður ferðafélagi í göngunni og því er fólk hvatt til að taka hann með. Göngutúrnum lýkur með því að skoða sýninguna  í Hafnarhúsinu en þar er einnig skiptistöð fyrir göngutúra þar sem gestum gefst kostur á að krækja sér í eftirlætis göngutúra annarra og skilja eftir sinn eigin. 

Sunnudagur 18. september kl. 15
Sýningastjóraspjall
Ágústa Kristófersdóttir, deildarstjóri sýningadeildar Listasafns Reykjavíkur annast leiðsögn um sýninguna.

Augnablik í borginni
Allir eru hvattir til að senda inn augnablik úr borginni með mynd- eða textaskilaboðum í frítt númer 1855 og taka þannig þátt í sýningunni.

Tilraunastofan Úrbanistan 
Úrbanistan er öllum opin en þar er meðal annars hægt að hlýða á hljóðverk úr borginni, skiptast á gönguferðum,  gera huglægt kort af borginni og ýmislegt fleira.

Sjá hér nánari upplýsingar um sýningar Hafnarhússins

Frítt er inn í Hafnarhúsið til 2. október og opið til kl. 22 öll fimmtudagskvöld. 

Kær kveðja,
Soffía Karlsdóttir
kynningarstjóri Listasfans Reykjavíkur
s: 590-1200 / 820-1202
soffia.karlsdottir at reykjavik.is




--------------------------------------------------------------------------------
Kjósir þú að fá ekki fleiri bréf sem þetta frá okkur geturðu afskráð þig hér:
[/afskrá]

-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20050914/c5bf1787/attachment.html