[Vid-stund] V eða W - hvert stefna vestræn hagkerfi? Gylfi Magnússon á Háskólatorgi, HT-101, þriðjudaginn 22. nóv. kl. 12-13

[Bjargey Anna Guðbrandsdóttir]

Málstofa á vegum Viðskiptafræðideildar: V eða W - hvert stefna vestræn 
hagkerfi?
Háskólatorg, HT-101, þriðjudaginn 22. nóv. kl. 12-13

Haustið 2008 hrikti mjög í fjármálakerfum flestra Vesturlanda. Í kjölfarið 
varð snarpur samdráttur í efnahagslífi nær allra landanna, sérstaklega 
árið 2009. Um skeið virtist sem hið versta væri liðið hjá en nú eru enn 
blikur á lofti. Fjármálakrísan er augljóslega ekki lengur fyrst og fremst 
bankakrísa heldur einnig í mörgum tilfellum orðin alvarleg 
ríkisfjármálakrísa. 

Í fyrirlestrinum verður fjallað um þá stöðu sem upp er komin, aðdragandinn 
rakinn og skoðað hvaða sviðsmyndir hægt er að draga upp fyrir framtíðina í 
ljósi þess sem nú liggur fyrir. Horft verður til óróleikans í Evrópu en 
einnig á stöðuna í Bandaríkjunum, þar sem saman fer mikill fjárlaga- og 
viðskiptahalli, miklar opinberar skuldir og illviðráðanlegar 
lífeyrisskuldbindingar, til Japan, þar sem ríkt hefur stöðnun í nær tvo 
áratugi og opinberar skuldir slá öll met og Kína, þar sem m.a. eru 
verulegar áhyggjur af fasteignaverðsbólu og stöðu bankakerfisins. 

Gylfi Magnússon er dósent við Viðskiptafræðideild Háskóla Íslands
-------------- next part --------------
An HTML attachment was scrubbed...
URL: http://listar.hi.is/pipermail/vid-stund/attachments/20111116/2b9a3fe8/attachment-0001.html 
-------------- next part --------------
A non-text attachment was scrubbed...
Name: not available
Type: image/jpeg
Size: 152590 bytes
Desc: not available
Url : http://listar.hi.is/pipermail/vid-stund/attachments/20111116/2b9a3fe8/attachment-0001.jpe