[ÖRFÍ]Fræðsluerindi á Keldum: Tvö andlit erfðafjölbreytileikans – kynbætur og rannsóknir við Landbúnaðarháskóla Íslands.

[Birkir Þór Bragason]

_Þessi póstur er sendur tengiliðum við stofnanir, fyrirtæki, félög og 
hópa, til að kynna fræðsluerindi sem haldin eru á Tilraunastöðinni að 
Keldum. Vinsamlegast áframsendið með tölvupósti eftirfarandi upplýsingar 
til ykkar fólks. _



*Fræðsluerindi á Tilraunastöð Háskóla Íslands í meinafræði að Keldum.*

Fyrirlesari: *Jón Hallsteinn Hallsson* lektor, Landbúnaðarháskóla Íslands.
Heiti erindis: *Tvö andlit erfðafjölbreytileikans – kynbætur og 
rannsóknir við Landbúnaðarháskóla Íslands.*

Erindið verður haldið_fimmtudaginn 8. nóvember_, kl. 12:20, í bókasafni 
Tilraunastöðvarinnar.

Í kynbótum nytjaplantna og –dýra er leitast við að hámarka uppskeru og 
afköst á hverjum tíma með því að velja „bestu“ einstaklingana til 
undaneldis. Slíkt val eykur jafnan einsleitni stofna og gengur á 
erfðafjölbreytileika. Þetta er afar slæmt þar sem erfðafjölbreytileiki 
gegnir lykilhlutverki í viðbrögðum stofna við breyttum 
umhverfisaðstæðum. Þannig vega kynbætur nytjastofna salt á milli 
langtíma og skammtíma hugsunar, á milli þess að hámarka uppskeru og 
lágmarka tap á breytileika sem seinna gæti reynst dýrmætur.

En erfðafjölbreytileikinn er ekki aðeins besti vinur kynbótamannsins 
heldur getur hann á augabragði snúist upp í andhverfu sína. Þetta sést 
einna best í því eilífa vopnakapphlaupi sem ríkir milli plantna og 
fjölmargra stofna sjúkdómsvalda sem á þær herja. Þegar stofnar 
sjúkdómsvaldandi örvera breytast að samsetningu og brjóta niður varnir 
nytjastofna er voðinn vís ef ekki er brugðist við af festu.

Íslenskur landbúnaður hefur notið góðs af því undanfarin ár að veðurfar 
hefur batnað mikið, sem sést m.a. á góðum árangri í byggrækt víða um 
land. En Ísland er ekki undanþegið plöntusjúkdómum, þó svo að fjarlægð 
frá meginlöndum veiti ákveðna vernd, og bættum ræktunarskilyrðum og 
aukinni ræktun fylgja auknar líkur þess að nýjir sjúkdómar og nýjar 
sýkingartýpur nemi hér land og geri óskunda.

Í fyrirlestrinum verður fjallað stuttlega um hitt og þetta sem viðkemur 
landbúnaði, plöntusjúkdómum og erfðafjölbreytileika.

________________________________________________________________

Birkir Þór Bragason
Tilraunastöð H.Í. í meinafræði að Keldum


-------------- next part --------------
An HTML attachment was scrubbed...
URL: http://listar.hi.is/pipermail/gerlanet/attachments/20121105/b7f8b977/attachment-0001.html 
-------------- next part --------------
A non-text attachment was scrubbed...
Name: Bor?i ?slenskur - JPEG format_ed.jpg
Type: image/jpeg
Size: 19012 bytes
Desc: not available
Url : http://listar.hi.is/pipermail/gerlanet/attachments/20121105/b7f8b977/attachment-0001.jpg