[Gandur] Upptökur af fyrirlestrum - Orvar Löfgren og fleira.

[Félag þjóðfræðinga á Íslandi]

Kæri viðtakandi.

Félag Þjóðfræðinga á Íslandi vill benda þér á að hægt er að nálgast
upptökur af fyrirlestrum og öðrum viðburðum félagsins á afar auðveldan
hátt. Það eina sem þarf að gera er að senda tölvupóst á
felagthjodfraedinga at gmail.com þar sem beðið er um aðgang að fyrirlestri eða
öðru efni. Þá er sent um hæl hlekkur á viðkomandi myndband. Þetta er gert
til þess að hver sem er geti ekki nálgast myndböndin. Við biðjum þá sem fá
aðgang að myndböndunum að senda ekki hlekkinn á aðra aðila.

Eins og öllum ætti að vera kunnugt hélt Orvar Löfgren fyrirlestur í Odda
101 þann 5. apríl síðastliðinn á vegum Félags Þjóðfræðinga á Íslandi,
Mannfræðingafélagsins og námsbrautar í Þjóðfræði við Háskóla Íslands.
Erindi hans bar yfirskriftina: *Mitt eða okkar? *Heimilið sem siðakerfi.
Myndband af fyrirlestrinum er nú aðgengilegt með áður tilgreindri aðferð.

Einnig má nálgast Hátíðardagskrá félagsins árið 2016, þar sem heiðursfélagi
Félags Þjóðfræðinga, Árni Björnsson, flutti erindi um vísuna* Upp Á Stól *og
vísnasöngsveitin Vísur og Skvísur söng og spilaði vísnasöngva.

Önnur myndbönd sem nálgast má eru af fyrirlestri Tok Thompson,
gestaprófessor við HÍ frá háskólanum í Suður Kaliforníu, sem fjallaði um að
ekki mætti næra tröllin, hvort sem þau byggju í fjöllunum eða á
veraldarvefnum sem og tvo fyrirlestra úr MA-fyrirlestrarröð okkar,
annarsvegar fyrirlestur Særúnar Lísu Birgisdóttur sem ber yfirskriftina ,,*Og
svo kom kaninn*" og hinsvegar fyrirlestur Arndísar Huldar Auðunsdóttur um
mansöngva Sigurðar Breiðfjörð en fyrirlesturinn ber yfirskriftina *Lítil
sköpun þroska nær.*

Ennfremur munu fljótlega vera aðgengilegar aðrar upptökur félagsins, þar á
meðal upptaka frá Litlu SIEF þar sem fyrirlesarar úr röðum þjóðfræðinga
kynntu erindi sín á SIEF ráðstefnunni í Göttingen í fyrirlestrarsal
Þjóðarbókhlöðunnar sem og upptökur úr MA-fyrirlestrarröð félagsins. Um leið
og myndböndin verða aðgengileg verður það auglýst sérstaklega.

Með von um að áhugasamir sæki í upptökurnar.
f.h. stjórnar FÞÍ
Gunnar Óli Dagmararson
meðstjórnandi.