[Gandur] Súðbyrðingur - saga báts

[asdis]

Heimildamyndin Súðbyrðingur - saga báts



Síðasta sýning í kvöld, fimmtudagskvöld 10. febrúar, klukkan 20:00.



Fjórir menn taka sér fyrir hendur að smíða bát eftir Staðarskektunni,  
sem fúnað hefur í grasi í Reykhólasveit.  Samhliða því sem nýi  
báturinn tekur á sig mynd er sögð saga bátasmíða á Norðurlöndum.   
Byrjað er á kilinum, sem þróaðist frá eintrjáningi steinaldar, og svo  
dýpkar frásögnin eftir því sem báturinn er byrtur, sagt frá skinnbátum  
bronsaldar og helluristum, fórnum á bátum og mönnum til ókunnra guða,  
en elsti súðbyrðingurinn sem vitað er um varðveittist á einum slíkum  
blótstað, sýnd hin glæstu skip víkingaaldar, sagt frá selveiðimönnum í  
Eystrasaltinu sem lögðust út á ísinn og sváfu í einkennilega löguðum  
bátum sínum, og áfram er smíðað, böndin og borðstokkarnir, og þá er  
komið til Færeyja þar sem keppt er í róðri í nýrri gerð af  
súðbyrðingum á Ólafsvöku.  Að lokum er báturinn klár og seglin saumuð  
og þá er sjósetning og siglt út á fjörðinn, til fortíðar smiðanna  
sjálfra, þar sem súðbyrðingar voru smíðaðir og notaðir  - heima.

Báturinn er trúarlegt tákn. Í þessum ,,báti" sem kvikmyndin er, rúmast  
margt, svo sem handbragð, heiðindómur, verslunarsaga, veiði, dauði og  
hátíðir. Í gegnum báta og skip tengjast hættir og saga þeirra þjóða  
sem búa á Norðurlöndum.





Ásdís Thoroddsen,
Gjóla ehf,
Bergstaðastræti 28 A,
101 Reykjavík,
Iceland.

S:    + 354 552 4456
FS:  + 354 868 9771
http:// www.gjola.is