[Gandur] Áttu forngrip í fórum þínum?
frettatilkynning at thjodminjasafn.is
frettatilkynning at thjodminjasafn.is
Tue Mar 2 15:04:51 GMT 2010
Áttu forngrip í fórum þínum?
Sunnudaginn 7. mars n.k. verður almenningi í sjötta sinn boðið að koma með
gamla gripi til greiningar hjá sérfræðingum Þjóðminjasafns Íslands. Þessir
greiningardagar hafa verið mjög vel sóttir og margt skemmtilegt komið þar
fram. Dagskráin hefst kl. 14 og lýkur kl. 16 og samkvæmt fenginni reynslu
næst að greina um 50 gripi á þeim tíma. Fólki er því bent á að koma
tímanlega og taka númer.
Meðal þess sem fólk hefur komið með til greiningar eru tóbaksdósir sem
munu hafa verið í eigu Brynjólfs Péturssonar Fjölnismanns, stokkabelti
eignað Ragnheiði biskupsdóttur, forn öxi sem fannst í jörðu í Þjórsárdal
og hlutar úr vinsælu bollastelli frá 19. öld.
Í þetta sinn verður einnig forvörður á staðnum sem gefur góð ráð varðandi
meðferð gamalla gripa í heimahúsum.
Tekið skal fram að einungis verður reynt að greina muni með tilliti til
aldurs, efnis, uppruna o.s.frv. en starfsmenn safna meta ekki verðgildi
gamalla gripa. Eigendur taka að sjálfsögðu gripina með sér aftur að
lokinni skoðun.
Með bestu kveðju,
Helga Vollertsen
Kynningarstjóri
Þjóðminjasafni Íslands
v/Suðurgötu
101 Reykjavík
s. 5302222/gsm 8242039
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20100302/4b6c006d/attachment-0001.html
-------------- next part --------------
A non-text attachment was scrubbed...
Name: not available
Type: image/gif
Size: 56728 bytes
Desc: not available
Url : http://listar.hi.is/pipermail/gandur/attachments/20100302/4b6c006d/attachment-0001.gif
More information about the Gandur
mailing list