[Gandur] Háskólakórinn í Þjóðminjasafninu laugardaginn 19. desember
frettatilkynning at thjodminjasafn.is
frettatilkynning at thjodminjasafn.is
Fri Dec 18 13:23:08 GMT 2009
Laugardaginn 19. desember kl. 15 mun Háskólakórinn syngja jólalög og
þjóðlegar vísur fyrir gesti Þjóðminjasafns Íslands.
Háskólakórinn hefur verið starfræktur síðan 1972 og eru flestir meðlimir
stúdentar við Háskóla Íslands. Í kórnum er mikill metnaður í flutningi
verka, en hann heldur að minnsta kosti eina tónleika á ári auk þess að
syngja við útskriftir og ýmsar aðrar athafnir Háskólans. Stjórnandi
Háskólakórsins er Gunnsteinn Ólafsson og eru meðlimir í dag rúmlega sextíu
talsins úr vel flestum deildum háskólans.
Háskólakórinn syngur tónlist af ýmsu tagi en yfirleitt er lögð aðaláhersla
á íslenska tónlist og á hverju ári er frumflutt eitt verk eftir íslenskt
tónskáld.
Sama dag kl. 13 mun Terry Gunnell prófessor í þjóðfræði við Háskóla
Íslands flytja erindi í fyrirlestrasal Þjóðminjasafnsins. Erindið er á
ensku og ber heitið The Icelandic Yule - an illustrated preentation in
English. Eftir fyrirlesturinn verða léttar veitingar í boði The
English-Speaking Union á Íslandi.
Jólasveinarnir heimsækja safnið daglega 12.-24. desember kl. 11 og er
laugardagurinn 19. desember engin undantekning. Von er á Skyrgámi sem mun
ræða við börn og fullorðna og jafnvel taka lagið.
Aðgangur er ókeypis á viðburðina og allir velkomnir. Það er því upplagt að
gera sér dagamun um helgina og heimsækja Þjóðminjasafnið!
Með bestu kveðju,
Helga Vollertsen
Kynningarstjóri
Þjóðminjasafni Íslands
v/Suðurgötu
101 Reykjavík
s. 5302222/gsm 8242039
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20091218/c62e84b6/attachment.html
More information about the Gandur
mailing list