[Gandur] Endurfundir - fornleifasýning fyrir alla fjölskylduna!
frettatilkynning at thjodminjasafn.is
frettatilkynning at thjodminjasafn.is
Tue Dec 1 08:45:10 GMT 2009
Endurfundir
Fornleifasýning fyrir alla fjölskylduna!
Ákveðið hefur verið að framlengja sýninguna Endurfundi. Sýningunni er
ætlað að höfða til allra aldurshópa en á henni má sjá fjölda gripa sem
fundust við fornleifarannsóknirnar á árunum 2001-2005. Auk gripanna er
hægt að skoða myndasýningar frá uppgröftunum, leira, stimpla eða fara í
fræðsluspor fjölskyldunnar og leysa skemmtilegar þrautir. Einnig er boðið
upp á leynikassa sem eru skemmtilegir fyrir yngstu gestina – og jafnvel þá
sem eldri eru! Sýningatexta og hljóðleiðsögn samdi Pétur Gunnarsson, en
textarnir veita skemmtilega innsýn í hugarheim fólks á öldum áður.
Á árunum 2001-2005 styrkti Kristnihátíðarsjóður fornleifarannsóknir á
helstu sögustöðum þjóðarinnar. Á sýningunni má sjá úrval þeirra gripa sem
fundist hafa hingað til á átta þessarra staða, en mörgum rannsóknanna er
enn ólokið. Kristnihátíðarsjóður var stofnaður til að minnast þess að
1000 ár voru liðin frá því að kristinn siður var lögtekinn á Íslandi.
Hlutverk sjóðsins var annars vegar að efla fræðslu og rannsóknir á
menningar- og trúararfi þjóðarinnar og stuðla að umræðum um lífsgildi
hennar, siðferði og framtíðarsýn og hins vegar að kosta
fornleifarannsóknir á helstu sögustöðum þjóðarinnar.
Með bestu kveðju,
Helga Vollertsen
Kynningarstjóri
Þjóðminjasafni Íslands
v/Suðurgötu
101 Reykjavík
s. 5302222/gsm 8242039
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20091201/22f06302/attachment-0001.html
-------------- next part --------------
A non-text attachment was scrubbed...
Name: not available
Type: image/gif
Size: 40597 bytes
Desc: not available
Url : http://listar.hi.is/pipermail/gandur/attachments/20091201/22f06302/attachment-0002.gif
-------------- next part --------------
A non-text attachment was scrubbed...
Name: not available
Type: image/gif
Size: 31362 bytes
Desc: not available
Url : http://listar.hi.is/pipermail/gandur/attachments/20091201/22f06302/attachment-0003.gif
More information about the Gandur
mailing list