[Gandur] Íslandsmyndir í Hafnarhúsi í kvöld
Kristinn Schram
kristinn at akademia.is
Thu Mar 20 12:32:04 GMT 2008
(See English summary below)
Íslandsmyndir: Horft úr vestri
Kviksaga kynnir,
í samstarfi við Listasafn Reykjavíkur; rannsóknarverkefnið Ísland og
ímyndir Norðursins; Kvikmyndasafn Íslands og ReykjavíkurAkademíuna,
heimildamyndirnar Hard Rock and Water eftir Barbara Doran og Iceland
úr þáttaröðinni Wonders of the World eftir Hal Linker.
Sýningarnar verða í kvöld fimmtudaginn 20. mars 2008, kl. 20:00 –
21:30 í Listasafni Reykjavíkur, Hafnarhúsi.
Að sýningu lokinni verða stuttar pallborðsumræður.
Upplýsingar í síma 8661940
Um myndirnar
Iceland: Wonders of the World er eftir bandaríska
kvikmyndagerðarmanninn Hal Linker, en hann var giftur Höllu Linker
sem margir kannast við. Hal var farandfyrirlesari, sem gerði
kvikmyndir, sýndi þær og hélt fyrirlestra um þær víða um heim. Í
þessari mynd, sem gerð var árið 1970, er lögð áhersla á vöxt,
uppbyggingu og nútímavæðingu Íslands, sem og rætur íslenskrar
menningar og helstu náttúruperlur, en svo lýsir Íris Ellenberger
sagnfræðingur efni myndarinnar í nýlegri bók sinni Íslandsmyndir
1916-1966.
Hard Rock and Water er eftir kanadíska kvikmyndagerðarmanninn Barbara
Doran og er frá árinu 2005. Myndin gerir samanburð á Íslandi og
Nýfundnalandi og stillir Íslandi upp sem ákveðinni fyrirmynd í
efnahagslegu og pólitísku tilliti. Þótt löndin eigi margt
sameiginlegt hefur hallað á Nýfundnaland sem hefur t.d. glímt við
atvinnuleysi og fólksflótta. Myndin tengir velgengni Íslendinga við
sjálfstæði þeirra og lífskraft. Spyrja má hvort sú ímynd sem dregin
er upp af landi og þjóð sé fjarri veruleikanum sem hún á lýsa.
Um Íslandsmyndir
Íslandsmyndir er yfirheiti á fjölbreyttum kvikmyndum sem eiga það
sameiginlegt að fjalla um Ísland og Íslendinga. Myndirnar eru
margvíslegar að eðli, s.s. fræðslumyndir, persónulegar ferðasögur,
pólitískar áróðursmyndir, sölumyndbönd flugfélaga, fiskiðnaðarins eða
landbúnaðarvöruframleiðenda og myndir sem skreyttu ræður
farandfyrirlesara. Kvikmyndirnar viðhalda og endurskapa ákveðnar
ímyndir sem tekið höfðu að mótast á 18. og 19. öld. Samfélagið
breytist og Íslandsmyndir með en takmarkanir miðilsins setja
umfjöllunarefninu einnig nokkrar skorður. Íslensk tunga hvarf nánast
sem viðfangsefni, enda ekki mjög myndvæn. Saga Íslands missti vægi og
tengdist Þingvöllum og styttum af þjóðhetjum nánum böndum. En
náttúran hófst til vegs og virðingar. Íslendingar voru (og eru)
náttúrubörn í Íslandsmyndum en þegar kom fram á 5. áratug 20. aldar
urðu náttúrubörnin tæknivædd. Íslendingar, einkum íslenskir karlmenn,
voru umfram allt sjómenn og bændur sem börðust við náttúruöflin til
að færa björg í bú en höfðu jafnframt sigrast á náttúrunni með því að
virkja hana til húshitunar og rafmagnsframleiðslu. Er þetta ef til
vill svipuð ímynd og við sjáum í Íslandsmyndum nútímans? Þetta er
meðal þess sem kannað verður í sýningum og umræðum Kviksögu í vetur.
Um Kviksögu
Kviksaga er félagskapur um kvikmyndalist og fræði. Það er vettvangur
fræði- og áhugamanna á því sviði þar sem fræði og kvikmyndalist
mætast t.d. við gerð heimildamynda, vídeólistar, kennsluefnis eða
sjónrænna rannsókna á menningu og listum. Kviksaga stuðlar einnig að
rannsókn á sjálfu kvikmyndaforminu og er vettvangur fyrir áhugasama
til að mætast, ræða og vinna saman. Á síðastliðnu ári hefur Kviksaga
efnt til sýninga á heimildamyndum ásamt fræðilegri umfjöllun, haldið
námskeið og staðið að kvikmyndahátið. Áfram verður staðið að
viðburðum og á vefritinu Kviksögu www.kviksaga.is verður að finna
ritstýrðar greinar, viðtöl, tilkynningar og myndbrot á sviði fræða
og kvikmyndlistar. Skrifstofa Kviksögu í ReykjavíkurAkademíunni er
öllum opin til skrafs og ráðagerða og til afnota af myndefni og
tengslaneti miðstöðvarinnar. Upplýsingar í 8661940 og
kviksaga at akademia.is
Síðastliðið ár stóð Kviksaga meðal annars að viðburðum í Tjarnarbíóí
í samvinnu við Fjalaköttinn þar sem saman fóru sýningar á
heimildamyndum, tónlistarflutningur, fræðileg umfjöllun og samræður
við kvikmyndgerðamenn. Af myndum má nefna svokallaðar Íslandsmyndir
sem spanna alla tuttugustu öldina, video- og tónlistarverkið
Lífsblómið, heimildamyndir um frásagnir sjúkraflutningamanna í
Kaliforníu og leigubílstjóra í Edinborg og um pönkbylgju í Suður-
Kóreu. Þá má nefna viðburði sem sérstaklega voru helgaðir verkum í
vinnslu þar sem kvikmyndagerðamenn sýndu brot úr verkum sín, ræddu
undanfara og næstu skref við áhorfendur.
Um rannsóknarverkefnið Ísland og ímyndir Norðursins
Rannsóknaverkefnið Ísland og ímyndir Norðursins (INOR) byggist á
samstarfi íslenskra og erlendra fræðimanna á þessu sviði, alls 20
fræðimenn. Flestir fræðimannanna koma frá ReykjavíkurAkademíunni og
þar hefur verkefnið aðsetur. En auk þess tengjast margir aðrir
erlendir og innlendir fræðimenn verkefninu og INOR hefur samstarf við
rannsóknarhópa í Kiel í Þýskalandi, Umeå í Svíþjóð og Tromsö í
Noregi. Á vegum verkefnisins er unnið að rannsóknum á birtingarmyndum
ímynda Íslands í samtímanum sem hluta norðursins, hvernig þær hafa
sprottið fram sögulega og breyst í tímans rás og hvert þær stefna.
Útgáfa á rannsóknarniðurstöðum er áætluð árið 2010 þegar verkefninu
lýkur. Á vegum verkefnisins er einnig umtalsverð útgáfa, bæði á
íslensku og ensku, námskeiðshald um ímyndir og kynningar á kvikmyndum
þar sem fjallað er um Ísland, sjá nánar heimasíðu verkefnisins,
www.inor.is
Verkefnisstjórar eru Sumarliði R. Ísleifsson og Daniel Chartier.
www.inor.is/
ICELAND ON FILM in Hafnarhús Reykjavík Art Museum
Kviksaga and Iceland and Images of the North present, in cooperation
with the Reykjavík Art Museum and the Film Museum of Iceland:
The View from the West
with documentaries Hard Rock and Water (2006) by Barbara Doran and
Iceland (1970) from the series Wonders of the World by Hal and Halla
Linker.
Thursday March 20th 2008, 20:00 – 21:30
Info tel. +354 8661940
About ICELAND ON FILM
ICELAND ON FILM is a term used to describe the various images of the
Iceland displayed in films, whether they be documentaries, propaganda
films, commercial material or personal film and video. Kviksaga and
Iceland and Images of the North , in cooperation with the Reykjavík
Art Museum, will continue these eploring these images with members of
the INOR research team. Here are some of this years themes.
January 31 2008
A Land of Wonder
Nisha Inalsingh - Huldufólk 102
Hafnarhús 5.30pm
March 20th 2008
View from the West
Hal Linker Iceland- Wonders of the World
Barbara Doran - Hard Rock and Water
Hafnarhús 8 pm
April 3rd 2008
Nature and Construction
Áslaug Einarsdóttir - Sófakynslóðin (Couch Generation)
Hafnarhús 7pm
April 24th 2008
Picturing Ourselves
Icelandic travel films
Hafnarhús 8pm
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20080320/eb889025/attachment.html
More information about the Gandur
mailing list