[Gandur] Ólíkar hugmyndir um varðveislu fornminja - Anna Þorbjörg Þorgrímsdóttir flytur fyrirlestur 25. mars kl. 12.05
frettatilkynning at thjodminjasafn.is
frettatilkynning at thjodminjasafn.is
Wed Mar 19 14:46:36 GMT 2008
Hádegisfyrirlestur Sagnfræðingafélags Íslands
Þriðjudaginn 25. mars 2008, klukkan 12.05
Þjóðminjasafni Íslands
Ólíkar hugmyndir um varðveislu fornminja á fyrri hluta nítjándu aldar
Árið 1807 var Hinni konunglegu fornleifanefnd komið á fót í Kaupmannahöfn.
Nefndinni var ætlað að friða fornleifar í ríkjum Danakonungs og safna
forngripum til Fornnorræns safns sem staðsetja átti í höfuðstað ríkisins.
Þó að meginorsök fyrir stofnun nefndarinnar hafi verið hröð eyðing
fornminja í Danmörku í lok 18. aldar þá er hugmyndafræðilegur bakgrunnur
rakinn til vaxandi áhuga á norrænni fornfræði og vaxandi áhrifa rómantísku
stefnunnar í Danmörku.
Fræðilegar tilraunir fornfræðinga til þess að varpa ljósi á sögulega þróun
á forsögulegum tímum gengu nokkuð gegn rómantískum hugmyndum um andlegt
samband við fortíð og forfeður. Þessi mismunandi nálgun í hugmyndum kom
skýrt fram í sýninni á hvers vegna og hvernig átti að varðveita fornminjar
og kristallast m.a. í samstarfi fornfræðingsins Finns Magnússon og hins
rómantíska Jónasar Hallgrímssonar á árunum 1839-1842. Á ferðum Jónasar um
Ísland skoðaði hann fornminjar fyrir Finn og sendi honum reglulega
skýrslur til Kaupmannahafnar. Skýrslurnar nýtti Finnur í fræðilegum
skrifum meðan að í dagbókum Jónasar og í smásögunni Hreiðars-hóll er að
finna öllu rómantískri sýn á fornminjarnar.
Anna Þorbjörg Þorgrímsdóttir er doktorsnemi í sagnfræði við háskólann í
Gautaborg og gestafræðimaður á Þjóðminjasafni Íslands.
Hádegisfyrirlestrar Sagnfræðingafélagsins fara fram í fyrirlestrasal
Þjóðminjasafnsins og standa frá klukkan 12.05 til klukkan 12.55.
Aðgangur er ókeypis og öllum heimill.
Guðbrandur Benediktsson
Deildarstjóri miðlunar / Head of Public Programmes
Minjasafn Reykjavíkur / Reykjavik City Museum
Árbæjarsafn Kistuhyl, 110 Reykjavík
Beinn sími 4116313 / Dir. tel. +354 4116313
Farsími 6936996 / Mobile +354 6936996
www.minjasafnreykjavikur.is / www.reykjavikmuseum.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20080319/d94b9234/attachment.html
More information about the Gandur
mailing list