[Gandur] Verkefnaráðning í samtímaljósmyndun
frettatilkynning at thjodminjasafn.is
frettatilkynning at thjodminjasafn.is
Thu Jul 10 10:00:23 GMT 2008
Fréttatilkynning
Þjóðminjasafn Íslands auglýsti nýverið eftir umsóknum um verkefnaráðningu
í samtímaljósmyndun. Með því vill safnið hvetja til markvissrar
samtímaskráningar í ljósmyndun.
Pétur Thomsen ljósmyndari var valinn úr hópi umsækjenda. Verkefnið sem
hann sótti til felst í því að mynda Ásfjall í Hafnarfirði og þær
breytingar sem verða á náttúrufari þess og umhverfi samfara því að það fer
í auknum mæli undir byggð.
Á Ásfjalli í Hafnarfirði má meðal annars finna eina hæstu byggð á
höfuðborgarsvæðinu, gróin hverfi, fólkvang, friðlýst svæði,
frístundabyggð, skógrækt og ný hverfi í uppbyggingu.
Norðaustan í Ásfjalli er 3. áfangi Áslands í byggingu. Svæðið afmarkast af
Reykjanesbraut að norðan, hlíðum Ásfjalls og fólkvangsmörkum til vestur og
legu Kaldárselsvegar. Í þessu hverfi er að finna mjög blandaða byggð:
einbýlishús, raðhús, parhús og fjölbýli.
Svæðið er lýsandi dæmi um stöðu íslensks samfélags í dag og þá miklu
uppbyggingu sem átt hefur sér stað á höfuðborgarsvæðinu á undanförnum
árum. Nýtt hverfi er að vinna sér stað í náttúrunni í næsta nágrenni við
friðlýstan fólkvang. En mikið hefur hægt á uppbyggingunni undanfarið vegna
efnahagsástands í landinu. Margar eignir eru í sölu og margir húsgrunnar
hafa staðið óhreyfðir í langan tíma.
Verkefnið mun samanstanda af umhverfismyndum, myndum af húsum innan sem
utan og portrettmyndum af íbúum á svæðinu.
Nánari upplýsingar um verkefnið gefur Pétur Thomsen í síma 899 8014
Með bestu kveðju,
Helga Vollertsen
Kynningarstjóri
Þjóðminjasafni Íslands
v/Suðurgötu
101 Reykjavík
Tel.: (354) 530 2222
GSM: (354) 824 2039
http://www.thjodminjasafn.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20080710/60ce8a8b/attachment.html
More information about the Gandur
mailing list