[Gandur] Nýr vefur Þjóðminjasafnsins hlýtur tilnefningu til Vefverðlauna 2007
frettatilkynning at thjodminjasafn.is
frettatilkynning at thjodminjasafn.is
Thu Jan 31 13:43:57 GMT 2008
Nýr vefur Þjóðminjasafns Íslands hlýtur tilnefningu til Vefverðlaunanna
2007
Nýr vefur Þjóðminjasafnsins var opnaður í október 2007 eftir mikla
undirbúningsvinnu og gagngera endurskoðun. Vefurinn tekur til allra sviða
Þjóðminjasafns Íslands og er markmiðið að hann endurspegli umfangsmikla
starfsemi stofnunarinnar á sem skýrastan hátt, jafnt sýningar og viðburði
í safnhúsinu sem fræðslu- og rannsóknarstarf. Reynt er að hafa upplýsingar
aðgengilegar og leiðir að þeim einfaldar. Menningarsögunni er miðlað í
máli og myndum á smekklegan hátt. Vefur Þjóðminjasafnsins er í sífelldri
tilurð og verður áfram unnið að uppbyggingu hans.
Umsjón með vef Þjóðminjasafnsins hefur Rúna K. Tetzschner kynningarstjóri,
en hönnun vefsins annaðist Hugsmiðjan.
Samtök vefiðnaðarins (SVEF) hafa tilkynnt hvaða vefi dómnefnd Íslensku
vefverðlaunanna 2007 hafa valið til úrslita í þeim sex flokkum sem keppt
er í. Vefur Þjóðminjasafns Íslands hefur hlotið tilnefningu til
Vefverðlaunanna í flokknum besti vefur í almannaþjónustu og er einn af
fimm vefjum sem keppa til úrslita í þeim flokki.
Flokkurinn besti vefur í almannaþjónustu nær til vefsvæða sem haldið er
úti af hinu opinbera, svo sem stofnana og sveitarfélaga, en jafnframt til
vefja félagasamtaka, verkalýðsfélaga eða annarra sambærilegra aðila.
Hinir flokkarnir sem keppt er í eru 1.) besti sölu- og þjónustuvefurinn,
2.) besti fyrirtækjavefurinn, 3.) besti afþreyingarvefurinn, 4.) besta
útlit og viðmót og 5.) besti einstaklingsvefurinn.
Samtök vefiðnaðarins (SVEF) efna árlega til samkeppni um Vefverðlaun og
vefakademían velur úr tilnefndum vefjum þá vefi sem skara þykja fram úr í
hverjum flokki. Vefakademíuna skipa einstaklingar sem starfa í
vefgeiranum, hafa sérfræðiþekkingu og brennandi áhuga á vefmálum.
Vefakademían hefur valið fimm vefi í hverjum flokki sem eru tilnefndir til
Íslensku vefverðlaunanna. Í framhaldinu verður einn vefur valinn sem
sigurvegari í hverjum flokki og verður tilkynnt um úrslitin þann 1.
febrúar.
Rúna K. Tetzschner
kynningarstjóri / Public Relation Manager
Þjóðminjasafn Íslands / National Museum of Iceland
Suðurgötu 41 - 101 Reykjavík
fars. 824-2039 , s. 530-2222 eða 5302248
netf. runa at thjodminjasafn.is
veff. http://www.thjodminjasafn.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20080131/266d450c/attachment.html
More information about the Gandur
mailing list