[Gandur] Hvað er að heyra? Varðveisla munnlegra heimilda - fyrirlestur Sagnfræðingafélagsins 12. feb. kl. 12:05
frettatilkynning at thjodminjasafn.is
frettatilkynning at thjodminjasafn.is
Mon Feb 11 15:00:30 GMT 2008
Hvað er að heyra?
Varðveisla munnlegra heimilda
Þriðjudaginn 12. febrúar klukkan 12:05-12:55 flytur Unnur María
Bergsveinsdóttir erindi í hádegisfyrirlestraröð Sagnfræðingafélags
Íslands. Fyrirlesturinn Hvað er að heyra? fjallar um varðveislu munnlegra
heimilda og er haldinn í fyrirlestrarsal Þjóðminjasafnsins. Munnleg saga
hefur í seinni tíð hlotið fulla viðurkenningu sem sagnfræðileg aðferð og
nýtur sívaxandi vinsælda meðal þeirra sem fást við samtímasögu.
Enn þá er bein íhlutun fræðimannsins í tilurð þeirrar heimilda sem hann
fæst við þó sterkt einkenni aðferðarinnar, sér í lagi hér á Íslandi. Þetta
má að miklu leyti rekja til þeirrar staðreyndar að varðveisla munnlegra
heimilda einkennist enn í dag, hérlendis sem erlendis, af bæði óvissu hvað
verklagi viðvíkur og skorti á samræðu um ýmis grunnatriði. Þetta veldur
því að munnlegar heimildir eru í mörgum tilfellum lítt aðgengilegar öðrum
en þeim sem þær skópu. Umfjöllunarefni erindisins eru þær spurningar sem
varðveisla munnlegra heimilda vekur auk þess sem skyggnst verður í
geymslur íslenskra safna og spurt, hvað er að heyra?
Unnur María Bergsveinsdóttir er verkefnastjóri hjá Miðstöð munnlegrar
sögu.
Frekari upplýsingar veitir Guðbrandur Benediktsson, varaformaður
Sagnfræðingafélags Íslands www.sagnfraedingafelag.net
Bestu kveðjur / Best regards
Rúna K. Tetzschner
kynningarstjóri / Public Relation Manager
Þjóðminjasafn Íslands / National Museum of Iceland
Suðurgötu 41 - 101 Reykjavík
fars. 824-2039, s. 530-2222 eða 5302248
netf. runa at thjodminjasafn.is
veff. http://www.thjodminjasafn.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20080211/d45e82be/attachment.html
More information about the Gandur
mailing list