[Gandur] Líf og fjör í Grindavík
Aðalheiður Guðmundsdóttir
adalh at hi.is
Mon Sep 10 13:55:25 GMT 2007
Líf og fjör verður í Grindavík á réttardaginn 15. september ´07.
Þórkötlustaðaréttir Smalað verður í afrétti Grindvíkinga, föstudaginn
14. september og dregið í dilka um kl. 14 á laugardegi í
Þórkötlustaðarétt í Þórkötlustaðahverfi í Grindavík.„Finna féð“,
ratleikur fyrir alla fjölskylduna í nágrenni við
Þórkötlustaðaréttirnar. Leikurinn gengur út á að leita að
vísbendingum og svara léttum spurningum sem tengjast sauðkindinni.
Svörin sett í pott og dregið úr réttum svörum. Ullarvinningar að
sjálfsögðu í verðlaun. Veitingar í Auðsholti og harmonikkuuspil á
staðnum.
Seljaferð - þjóðháttakyning.
Grindavíkurbær og Saltfisksetrið bjóða upp á þjóðháttakynningu II –
seljabúskap, laugardaginn 15. september, í samvinnu við sjf
menningarmiðlun og FERLIR.
Mjög lítið hefur verið skrifað um sel og seljabúskap hér á landi og
enn minna á Reykjanesskaganum, þrátt fyrir að enn megi sjá fjölda
margar sýnilegar selstöður. Á sama hátt og handritin eru
áþreifanlegur vottur handbragðsins fyrrum tengja minjar seljanna
okkur beint við þá gömlu búskaparhætti, sem þar tíðkuðust um aldir.
Fé var yfirleitt haft í seli frá 6. – 16. viku sumars. Í seljum voru
m.a. selsmalinn og selsmatseljan og þar voru gerðir ostar, skyr,
smjör og sýra úr mjólkinni. „Fólkið hélt lífinu í fénu og féð hélt
lífinu í fólkinu“.
Áætlað er að leggja á stað kl. 11 með rútu frá Saltfisksetrinu í
Grindavík og aka að Méltunnuklifi við Ísólfsskálaveg. Gengið verður
eftir slóða inn í Hraunsel sem er undir Núpshlíðarhálsi. Leiðin er
greiðfær og tekur um 60 mínútur hvora leið. Hraunsel er sel frá
Hrauni í Grindavík og er með yngstu seljum á Reykjanesskaganum. Í
selinu má sjá heillegar tóftir selsmannvirkja. Þar verður áð og nesti
borðað. Leiðsögumenn verða með í för og fræða um seljabúskapinn og
það sem fyrir augu ber á leiðinni. Áætlað er að koma til baka að
Saltfisksetrinu um kl.14-15. Allir eru á eigin ábyrgð. Rútugjald er
1000 kr. Sama dag er mikið um að vera við Þórkötlustaðarétt og gefst
þátttakendum tækifæri á að verða eftir þar.www.grindavík.is/
Saltfisksetur í s. 4201190.
> Með kveðju
> Sigrún Jónsd. Franklín
> verkefnastjóri Grindavíkur
> gsm 6918828
-------------- next part --------------
A non-text attachment was scrubbed...
Name: Seljafer? 15. sept..doc
Type: application/msword
Size: 29184 bytes
Desc: not available
Url : http://listar.hi.is/pipermail/gandur/attachments/20070910/3473e2b2/Seljafer15.sept.-0001.doc
-------------- next part --------------
More information about the Gandur
mailing list