[Gandur] Þjóðminjavörður segir gestum Þjóðminjasafnsins frá sýningunni Undrabörn, 2. des. kl. 15
frettatilkynning at thjodminjasafn.is
frettatilkynning at thjodminjasafn.is
Fri Nov 30 09:52:33 GMT 2007
Þjóðminjavörður segir gestum frá sýningunni Undrabörn
í Þjóðminjasafninu sunnudaginn 2. desember klukkan 15
Í Myndasal Þjóðminjasafns Íslands stendur yfir sýningin Undrabörnásamt
heimildakvikmyndinni Alexande. Myndirnar tók hinn heimsþekkti bandaríski
ljósmyndari Mary Ellen Mark af fötluðum nemendum í Öskjuhlíðarskóla,
Safamýrarskóla og Lyngási. Næstkomandi sunnudag, 2. desember klukkan 15,
verður Margrét Hallgrímsdóttir þjóðminjavörður á staðnum og segir gestum
frá verkefninu.
Mary Ellen er þekkt fyrir myndir þar sem horfst er í augu við
raunveruleikann og hefur myndað heimilislaus ungmenni í Seattle, starf
líknarstofnunar móður Teresu í Kolkata og vændishús í Mumbai svo fátt eitt
sé nefnt. Þegar hún kom til Íslands árið 2006 heillaðist hún mjög af því
starfi sem unnið er með fötluðum börnum á Íslandi .
Í kjölfarið leitaði Þjóðminjasafn Íslands eftir samstarfi við Mary Ellen
Mark um að ljósmynda líf fatlaðra barna á Íslandi. Verkefnið hlaut meðal
annars styrk úr Menningarsjóði Glitnis. Afraksturinn er sýningin Undrabörn
og samnefnd sýningarbók með ljósmyndunum. Einnig eru til sýnis myndverk
undrabarnanna sjálfra og ljósmyndir Ívars Brynjólfssonar af umhverfi
þeirra. Auk þess er heimildamyndin Alexander eftir hinn kunna
kvikmyndagerðarmann Martin Bell sýnd daglega í fyrirlestrarsal
Þjóðminjasafnsins frá klukkan 13 til 17. Myndin fjallar um líf Alexanders
Viðars Pálssonar, nemanda í Öskjuhlíðarskóla. Milli ljósmynda Mary Ellen
Mark og kvikmyndar Martin Bell er mikilvægt samspil sem dýpkað getur
upplifunina af sýningunni í heild og gestir sýningarinnar ættu því að
horfa á kvikmyndina líka.
Þjóðminjavörður gjörþekkir myndir Mary Ellen Mark og er áhugavert að
hlusta á hana segja frá sýningunni. Hún mun segja frá verkefninu, sýna
kvikmyndina Alexander (40 mín) og að lokum ganga með gestum um
ljósmyndasýninguna. Á sunnudaginn kemur kl. 15-16 gefst einstakt tækifæri
til að fá leiðsögn hjá þjóðminjaverði og er fólk hvatt til að fjölmenna.
Bestu kveðjur / Best regards
Rúna K. Tetzschner
kynningarstjóri / Public Relation Manager
Þjóðminjasafn Íslands / National Museum of Iceland
Suðurgötu 41 - 101 Reykjavík
fars. 824-2039, s. 530-2222 eða 5302248
netf. runa at thjodminjasafn.is
veff. http://www.thjodminjasafn.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20071130/b29eb3b1/attachment.html
More information about the Gandur
mailing list