[Gandur] 100 ára afmæli þjóðminjavörslunnar - opið hús í Þjóðminjasafninu 16. nóv. - sérfræðingar á staðnum milli kl. 12-14
frettatilkynning at thjodminjasafn.is
frettatilkynning at thjodminjasafn.is
Wed Nov 14 11:57:19 GMT 2007
100 ára afmæli þjóðminjavörslunnar
Opið hús í Þjóðminjasafninu 16. nóvember
Þann 16. nóvember 2007 verður haldið upp á 100 ára afmæli
þjóðminjavörslunnar á Íslandi. Af þessu tilefni verður opið hús í
Þjóðminjasafni Íslands með ókeypis aðgangi. Klukkan 12 flytur Guðmundur
Ólafsson fagstjóri fornleifa stutt erindi um þjóðminjavörslu í landinu.
Afmælisár þjóðminjavörslunnar miðast við setningu laga um verndun
fornminja árið 1907. Lögin fjölluðu um friðun og varðveislu fornminja í
landinu, en tóku til safnsins á þann hátt að svo var ákveðið að
fornminjavörður skyldi vera forstöðumaður þess. Á þann hátt tengdust
fornminjavarslan og safnið órofa böndum. Í framhaldi af setningu laganna
var fyrsti fornminjavörðurinn, Matthías Þórðarson, skipaður í ársbyrjun
1908.
Eftir erindi Guðmundar kemur Unnur Guðjónsdóttir fram í faldbúningi, fer
með ljóð eftir Jónas Hallgrímsson og minningarorð um hann, en á þessum
degi eru jafnframt liðin 200 ár frá fæðingu þjóðskáldsins.
Sérfræðingar safnsins verða á staðnum milli 12 og 14 og eru boðnir og
búnir að fræða gesti um safngripi og sýningar. Sérfræðingarnir áttu þátt í
sköpun grunnsýningar Þjóðminjasafnsins á sínum tíma og eru sérfróðir um
mismunandi svið hennar.
Auk Guðmundar Ólafssonar má nefna Þóru Kristjánsdóttur listfræðing,
Þorvald Böðvarsson fagstjóra skráningar sem er höfundur að framsetningu
20. aldarinnar og Ingu Láru Baldvinsdóttur fagstjóra Ljósmyndasafns
Íslands í Þjóðminjasafninu sem stýrði að Aldarspeglinum og
skjámyndasýningum með ljósmyndum. Fleiri sérfræðingar verða á staðnum.
Bestu kveðjur / Best regards
Rúna K. Tetzschner
kynningarstjóri / Public Relation Manager
Þjóðminjasafn Íslands / National Museum of Iceland
Suðurgötu 41 - 101 Reykjavík
fars. 824-2039, s. 530-2222 eða 5302248
netf. runa at thjodminjasafn.is
veff. http://www.thjodminjasafn.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20071114/677afa98/attachment.html
More information about the Gandur
mailing list