[Gandur] Sérðu það sem ég sé? Ljósmyndaleiðsögn Ingu Láru Baldvinsdóttur og aðgengi fyrir alla 28. nóv. kl. 12:10. Táknmálstúlkur fylgir leiðsögninni
frettatilkynning at thjodminjasafn.is
frettatilkynning at thjodminjasafn.is
Thu Nov 23 23:22:44 GMT 2006
Sérðu það sem ég sé? Ljósmyndir á grunnsýningu Þjóðminjasafnsins.
Sérfræðileiðsögn Ingu Láru Baldvinsdóttur og aðgengi fyrir alla
þriðjudaginn 28. nóvember klukkan 12:10
Táknmálstúlkur verður með leiðsögninni
Þriðjudaginn 28. nóvember klukkan 12:10 verður fimmta sérfræðileiðsögnin
sem Þjóðminjasafnið stendur fyrir í vetur. Þá mun Inga Lára Baldvinsdóttir
,,ausa úr viskubrunnum” og kynna myndabrunna safnsins. Inga Lára er
fagstjóri Myndasafns Þjóðminjasafnsins og mörgum að góðu kunn. Jafnan
berast fréttar af nýjum skemmtilegum ljósmyndasýningum í Þjóðminjasafninu
en Inga Lára er sýningarhöfundur þeirra margra. Á þriðjudaginn kemur mun
hún svo beina athyglinni að ljósmyndum á sjálfri grunnsýningunni en hún er
einnig höfundur myndasýninga þar.
,,Tuttugasta öldin,” segir Inga Lára, ,,er öld ljósmyndarinnar. Enginn
annar miðill nær að fanga hugblæ tímans og samfélagsbreytingarnar með sama
hætti og ljósmyndin og sambærilegt myndmagn er ekki til frá neinni annarri
öld.”
20. öldin er ekki einungis sýnd með munum á grunnsýningu Þjóðminjasafnsins
heldur einnig með um þúsund ljósmyndum. Fjórar ólíkar ljósmyndasýningar
eru á sérstökum skjáum við 20. aldar færibandið við endavegg
grunnsýningarinnar á 3. hæð. Saga 20. aldarinnar er sögð á ljóslifandi
hátt í Aldarspeglinum, - aðalmyndasýningunni. Þar er varpað upp myndum af
landi og þjóð ár frá ári gegnum alla öldina og fæst þannig yfirgripsmikil
sýn. Auk Aldarspegilsins eru þrjár skjámyndasýningar um afmarkaðri efni:
mannmyndir, fólk og ferðalög og bernskuna.
Skjámyndasýningarnar hafa heppnast afar vel en ýmis vandkvæði geta þó
verið fólgin í því að segja sögu með myndum. Það verður forvitnilegt að
hlusta á Ingu Láru Baldvinsdóttur sjálfa segja frá sýningargerðinni og
ræða um val á sýningarefnum og myndum.
Þjóðminjasafn Íslands leggur áherslu á aðgengi fyrir alla. Táknmálstúlkar
fylgja nú sérfræðileiðsögnunum og er fólk hvatt til að nýta sér það.
Bestu kveðjur / Best regards
Rúna K. Tetzschner
kynningarstjóri / Public Relation Manager
Þjóðminjasafn Íslands / National Museum of Iceland
Suðurgötu 41 - 101 Reykjavík
fars. 824-2039, s. 530-2222 eða 5302248
netf. runa at thjodminjasafn.is
veff. http://www.thjodminjasafn.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20061123/e0593c40/attachment-0001.html
More information about the Gandur
mailing list