[Gandur] Elsta félag á Íslandi og einstakt tilboð! Nú er kominn tími til að svala forvitninni. Hið íslenzka fornleifafélag og Árbókin
frettatilkynning at thjodminjasafn.is
frettatilkynning at thjodminjasafn.is
Fri Nov 10 16:44:30 GMT 2006
Elsta félag á Íslandi og einstakt tilboð! Nú er kominn tími til að svala
forvitninni.
Hið íslenzka fornleifafélag og Árbókin
Þegar fólk heyrir Hið íslenzka fornleifafélag nefnt á nafn koma líklega
fyrst upp í hugann fornleifarannsóknir og fornleifafræðingar. Félagið
hefur vissulegt sinnt rannsóknum á fornleifum en einnig á öðrum
menningarminjum og hér er ekki um að ræða lokað fagfélag
fornleifafræðinga, - þvert á móti. Hið íslenzka fornleifafélag er opið
öllum og fólk er hvatt til að ganga í það! Í Hinu íslenzka fornleifafélagi
geta leikir sem lærðir fundið farveg fyrir áhugamál sín á þessu sviði og
tilvalið er að svala forvitninni með lestri sjálfrar Árbókar hins íslenzka
fornleifafélags.
Hið íslenzka fornleifafélag er eitt elsta starfandi félag á Íslandi,
stofnað árið 1879, og hefur frá árinu 1880 gefið út Árbókina sem er eitt
merkasta fræðirit landsins á sviði fornleifafræði og íslenskrar
menningarsögu. Margir af fyrstu árgöngum félagsins hafa lengi verið
ófáanlegir en voru nýlega gefnir út í ljósprentaðri, vandaðri útgáfu.
Fornleifafélagið vill nú gera átak til að afla nýrra félagsmanna og býður
öllum sem ganga í félagið á næstunni Árbókina á hreint ótrúlegu
tilboðsverði:
Árgangarnir frá 1960 - 2001, samtals 40 bækur í einum pakka,
á einungis 5.000. kr.!!!
Tilboðið stendur til 7. des. - eða meðan birgðir endast, - þannig að nú er
annað hvort að hrökkva eða stökkva. Það er engin ástæða til að draga það
lengur að ganga í Hið íslenzka fornleifafélag. Allir sem áhuga hafa á
fornleifum og öðrum menningarminjum ættu að skrá sig í félagið og eignast
þar með 40 árbækur ekki seinna en NÚNA.
Eldri félagar geta einnig fengið pakkann á þessu góða verði.
Þeir sem vilja þiggja einstakt tilboð Hins íslenzka fornleifafélags skulu
sækja bækurnar á skrifstofu Þjóðminjasafns Íslands, Setbergi, Suðurgötu
43. Einnig er hægt að fá þær sendar en þá bætist sendingarkostnaður við
ofangreint verð.
Bækurnar er hægt að panta með því að senda tölvupóst til Þórs Magnússonar,
formanns Hins íslenzka fornleifafélags á netfangið: thor at thjodminjasafn.is
eða hringja í 530 2256 og skrá sig á áskriftarlista.
Tilboðspakkinn verður að lokum til sölu á aðalfundi Hins íslenzka
fornleifafélags sem haldinn verður þann 7. desember í fyrirlestrarsal
Þjóðminjasafnsins kl. 16:00 (þ.e. ef enn verður eitthvað eftir af bókum
þegar þar að kemur). Þar mun Orri Vésteinsson fornleifafræðingur flytja
erindi um rannsókn á hinni athyglisverðu miðaldakirkju á verslunarstaðnum
Gásum við Eyjafjörð.
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20061110/c7c8c8a2/attachment.html
More information about the Gandur
mailing list