[Gandur] Frændafundur 6
Aðalheiður Guðmundsdóttir
adalh at hi.is
Mon Dec 18 15:41:34 GMT 2006
Ráðstefnan Frændafundur 6
Hugvísindadeild Háskóla Íslands og Fróðskaparsetur Føroya efna til
ráðstefnu, Frændafundar, hinnar sjöttu, sem þessir aðilar halda
sameiginlega, í Þórshöfn 26.–27. júní 2007. Á ráðstefnunni verður
fjallað um ýmis efni, sem varða Færeyjar og Ísland. Fyrstu fimm
ráðstefnurnar voru haldnar í Reykjavík 1992, í Þórshöfn 1995, í
Reykjavík 1998, í Þórshöfn 2001 og í Reykjavík 2004. Í kjölfar þeirra
allra voru gefin út ráðstefnurit, sem bera aðaltitlana Frændafundur
(1993), Frændafundur 2 (1997), Frændafundur 3 (2000), Frændafundur 4
(2002) og Frændafundur 5 (2005).
Gert er ráð fyrir, að á ráðstefnunni verði haldnir nokkrir
stakir fyrirlestrar, sem fjalli um tengsl Færeyja og Íslands á
einhverju tilteknu sviði eða feli í sér með öðrum hætti greinilega
skírskotun til beggja landanna. Fyrirlestrar skulu fluttir annaðhvort
á færeysku eða íslenzku. Fyrirlesarar verða beðnir að birta á tjaldi
annaðhvort allan texta sinn eða öll meginatriði hans. Hver
fyrirlestur á að taka um 20 mínútur.
Hér með er auglýst eftir stökum fyrirlestrum til flutnings á
ráðstefnunni. Þeir, sem áhuga hafa, eru beðnir að láta í té stutta
lýsingu á fyrirlestri sínum auk titils. Ekki er víst, að unnt verði
að setja á dagskrá alla fyrirlestra, sem gerð er tillaga um. Reynt
verður að fá fjárstuðning frá menntamálaráðuneytinu til að greiða
flugfargjöld þeirra Íslendinga, sem flytja fyrirlestra á
ráðstefnunni, en ekki er hægt að ábyrgjast, að slíkur fjárstuðningur
fáist.
Umsóknir um að flytja fyrirlestra á ráðstefnunni skal senda
formanni Færeyjanefndar hugvísindadeildar, Inga Sigurðssyni,
Árnagarði við Suðurgötu, 101 Reykjavík, netfang: HYPERLINK
"mailto:ingi at hi.is" ingi at hi.is, ekki síðar en 1. febrúar 2007.
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20061218/9ca60455/attachment.html
More information about the Gandur
mailing list