[Vid-stund] Á MIÐVIKUDAG: Morgunverðarfundur 23. febrúar"Breyttar hugmyndir um stöðuveitingar og störf stjórnenda í opinberum rekstri" kl. 8-10 á Grand Hótel Reykjavík

[Ásta Möller]

Eru breytingar framundan á stjórnendastefnu ríkisins?  Hvaða hugmyndir 
liggja að baki ráðningarvaldi ráðherra og hvernig samræmast þær kenningum 
stjórnsýslufræðanna?  Er ríkið að fá það besta út úr verðmæti mannafla 
þess?       

Félag forstöðumanna ríkisstofnana og Stofnun stjórnsýslufræða og 
stjórnmála boða til 
morgunverðarfundar miðvikudaginn 23. febrúar kl. 8-10. 

Hefst með morgunverði kl. 8, dagskrá hefst kl. 8.30 og stendur til kl. 
10.00 á Grand hótel Reykjavík. 

Breyttar hugmyndir um stöðuveitingar og störf stjórnenda í opinberum 
rekstri 

Þátttökugjald er 3900,- morgunverður innifalinn.  Skráning HÉR





Miklir umbreytingar eru í starfsemi hins opinbera.   Á 
morgunverðarfundinum er horft til breyttra hugmynda um stöðu og störf 
stjórnenda í opinberum rekstri.   Í nálægum löndum hefur verið lögð 
áhersla á að endurskipuleggja og endurskilgreina stöður æðstu stjórnenda í 
áhrifastöfum til að að auka metnað, skapa hvatningu til að skara fram úr 
og rækta samstöðu meðal æðstu stjórnenda.  Tillögur um endurbætur á 
íslenska stjórnkerfinu fela m.a. í sér aukið gagnsæi, bætt verklag og 
fagmennsku við ráðningar og að hæfnismat sé grundvöllur ráðninga í æðstu 
stöður hjá stofnunum ríkisins. Þá er ábyrgð, hlutverk og árangur 
stjórnenda til skoðunar, auk þess sem rætt er um möguleika á sveigjanleika 
og hreyfanleika í störfum.   

Á fundinum munu þrír fyrirlesarar ræða viðfangsefnið.  Gefinn verður góður 
tími til umræðna í lokin.  Gunnar Björnsson, skrifstofustjóri 
starfsmannaskrifstofu fjármálaráðuneytisins fer yfir viðteknar 
staðalmyndir og greinir frá breyttum áherslum um stjórnendastefnu.   Dr. 
Sigurbjörg Sigurgeirsdóttir, lektor í stjórnsýslufræðum við 
Stjórnmálafræðideild Háskóla Íslands  mun m.a. ræða ráðningarvald ráðherra 
og hvernig það samræmist kenningum stjórnsýslufræða, stjórnun innan 
stjórnarráðsins og tillögur sem koma fram í skýrslunni "Samhent 
stjórnsýsla "sem kom út í desember sl..  Guðlaug Kristjánsdóttir, formaður 
BHM mun m.a. fjalla um hvort ríkið er að fá það besta út úr verðmæti 
mannafla þess og hvað megi gera betur.   Fundarstjóri og stjórnandi 
umræðna er  Magnús Guðmundsson, forstjóri Landmælinga ríkisins og formaður 
Félags forstöðumanna ríkisstofnana. 



Með bestu kveðju, 
Ásta Möller MPA, 
forstöðumaður/director 

Stofnun stjórnsýslufræða og stjórnmála / Institute of Public Management 
and Politics. 
Háskóli Íslands/University of Iceland 
Gimli við Sæmundargötu, 101 Reykjavík 
astam at hi.is 
Símar/tel +354- 525-5454/ +354-8639307 
Heimasíða: http://www.stjornsyslustofnun.hi.is
Veftímarit:http://www.stjornmalogstjornsysla.is/ 
-------------- next part --------------
An HTML attachment was scrubbed...
URL: http://listar.hi.is/pipermail/vid-stund/attachments/20110221/5777fbfb/attachment-0001.html 
-------------- next part --------------
A non-text attachment was scrubbed...
Name: not available
Type: image/gif
Size: 48558 bytes
Desc: not available
Url : http://listar.hi.is/pipermail/vid-stund/attachments/20110221/5777fbfb/attachment-0001.gif