[ÖRFÍ]Matvælastofnun heldur námskeið um merkingu matvæla

[Hjalti Andrason]

Matvælastofnun heldur námskeið um merkingu matvæla 

Matvælastofnun mun halda námskeið fyrir matvælaframleiðendur um merkingu 
matvæla á næstu vikum. Á námskeiðunum verður fjallað almennt um hvernig 
merkja á matvæli. Áhersla verður lögð á innihaldslýsingar, magnmerkingar, 
upprunamerkingar og auðkennismerki. Einnig verður fjallað um 
næringargildismerkingar og næringar- og heilsufullyrðingar, með sérstakri 
áherslu á heilsufullyrðingar. 

Í eftirlitsverkefni Matvælastofnunar og heilbrigðiseftirlits sveitarfélaga 
frá árinu 2011 um innihaldslýsingar matvæla og uppskriftir þeirra kom í 
ljós að í 16% tilfella komu ekki öll innihaldsefni uppskriftar fram í 
innihaldslýsingu á umbúðum. Þá voru nýlega birtar niðurstöður norræns 
eftirlitsverkefnis um merkingar matvæla í Noregi, Svíþjóð, Danmörku og 
Finnlandi á tímabilinu 2010 til 2012. Þær sýna að fimmta hver vara var 
ekki rétt merkt og að innihaldið passaði ekki við innihaldslýsingu í 9% 
tilfella. Jafnframt sýnir ný úttekt Matvælastofnunar á 16 matvörum í 
verslunum að engin þeirra uppfyllti allar kröfur um merkingar. 

Matvælafyrirtæki bera ábyrgð á eigin framleiðslu og upplýsingagjöf til 
neytenda. Rétt merking matvæla er mikið hagsmunamál fyrir neytendur og 
geta rangar merkingar m.a. verið varasamar þeim sem eru með matarofnæmi 
eða óþol. Nálgast má glærur og upptökur af fræðslufundum MAST um merkingar 
matvæla, rekjanleika og nýju matvælalöggjöfinu á vef Matvælastofnunar, 
www.mast.is, undir Útgáfa - Fræðslufundir. 

Námskeiðin 3 verða haldin á eftirfarandi stöðum og tímum: 

Miðvikudaginn 13. mars kl. 14-17 í fundarsal Samtaka atvinnulífsins á 
efstu hæð, Borgartúni 35, 105 Reykjavík 
Þriðjudaginn 19. mars kl. 13-16 í fundarsal Inn- og útflutningsskrifstofu 
Matvælastofnunar, Stórhöfða 23, 110 Reykjavík 
Miðvikudaginn 20. mars kl. 13-16 í Alþýðuhúsinu (4.h.), Skipagötu 14 á 
Akureyri

Námskeiðið er ætlað starfsfólki matvælafyrirtækja og er ókeypis. Skráning 
fer fram á netfanginu mast at mast.is. Vinsamlega takið fram nafn, fyrirtæki 
og hvað af námskeiðunum þremur þið ætlið að sækja: 13. mars, 19. mars eða 
20. mars á Akureyri.
 
Með kveðju, / Best regards, 

Hjalti Andrason
Fræðslustjóri / Head of Information and Communication
Fræðslu- og upplýsingamál / Information and Communication
______________________________
 
 
Austurvegi 64 
800 Selfoss 
 
Sími/tel: (+354) 530 4800 
Fax : (+354) 530 4801 
www.mast.is 
 
Vinsamlegast athugið að þessi tölvupóstur og viðhengi hans eru eingöngu 
ætluð þeim sem tölvupósturinn er stílaður á og gætu innihaldið upplýsingar 
sem eru trúnaðarmál. Please note that this e–mail and it’s attachments are 
intended for the named addressee only and may contain information that is 
confidential and privileged.
 
 
-------------- next part --------------
An HTML attachment was scrubbed...
URL: http://listar.hi.is/pipermail/gerlanet/attachments/20130306/d9bdb666/attachment.html 
-------------- next part --------------
A non-text attachment was scrubbed...
Name: not available
Type: image/jpeg
Size: 5608 bytes
Desc: not available
Url : http://listar.hi.is/pipermail/gerlanet/attachments/20130306/d9bdb666/attachment.jpe