[ÖRFÍ]Fræðslufundur MAST: Nýjar reglur um merkingar matvæla

[Hjalti Andrason]

Vinsamlega áframsendið til ykkar starfsfólks/meðlima...
Ný reglugerð Evrópusambandsins um merkingar matvæla (food information to 
consumers) var birt 22. nóvember s.l. Reglugerðin verður innleidd á 
Íslandi á næstu misserum og mun leysa af hólmi núverandi reglugerðir um 
merkingu matvæla og merkingu  næringargildis matvæla. Matvælastofnun 
heldur fræðslufund til að kynna þessar nýju reglur þriðjudaginn 6. 
desember 2011 kl. 15:00 - 16:00.
Meðal nýjunga í nýju reglugerðinni er að lágmarksleturstærð er skilgreind. 
Skylt verður að næringargildismerkja flest matvæli (orku, fitu og mettaða 
fitu, kolvetni, sykur, prótein og salt). Skylt verður að upprunamerkja 
kjöt og merkja samsett kjöt sem „mótað kjöt“. Það sama mun eiga við um 
óunnar fiskafurðir. Ofnæmis- og óþolsvalda ber að merkja á áberandi hátt 
með lita- eða leturbreytingu skv. reglugerðinni. Frestur til að uppfylla 
reglurnar í löndun Evrópusambandsins er 3 ár (5 ár fyrir 
næringargildismerkingar). Fresturinn rennur trúlega út á sama tíma hér á 
landi.
Á fræðslufundinum verður farið yfir helstu ákvæði reglugerðarinnar og 
verða breytingar frá núverandi reglum kynntar fyrir framleiðendum og 
dreifingaraðilum matvæla, ásamt öðrum áhugasömum.

Hægt verður að fylgjast með fræðslufundinum í beinni útsendingu á vef MAST 
undir Útgáfa - Fræðslufundir. Þar verður einnig birt upptaka að 
fræðslufundi loknum.
Fyrirlesarar:
    Jónína Þ. Stefánsdóttir, fagsviðsstjóri hjá Matvælastofnun 
    Zulema Sullca Porta, sérfræðingur hjá Matvælastofnun 
Fræðslufundurinn verður haldinn í umdæmisskrifstofu Matvælastofnunar í 
Reykjavík að Stórhöfða 23. Gengið er inn í húsnæði stofnunarinnar að 
norðanverðu (Grafarvogsmegin). Allir velkomnir!
Sjá www.mast.is
 
Með kveðju, / Best regards, 

Hjalti Andrason
Fræðslustjóri / Head of Information and Communication
Fræðslu- og upplýsingamál / Information and Communication
______________________________
 
 
Austurvegi 64 
800 Selfoss 
 
Sími/tel: (+354) 530 4800 
Fax : (+354) 530 4801 
www.mast.is 
 
Vinsamlegast athugið að þessi tölvupóstur og viðhengi hans eru eingöngu 
ætluð þeim sem tölvupósturinn er stílaður á og gætu innihaldið upplýsingar 
sem eru trúnaðarmál. Please note that this e–mail and it’s attachments are 
intended for the named addressee only and may contain information that is 
confidential and privileged.
 
 
-------------- next part --------------
An HTML attachment was scrubbed...
URL: http://listar.hi.is/pipermail/gerlanet/attachments/20111130/d45089ea/attachment-0001.html 
-------------- next part --------------
A non-text attachment was scrubbed...
Name: not available
Type: image/jpeg
Size: 5608 bytes
Desc: not available
Url : http://listar.hi.is/pipermail/gerlanet/attachments/20111130/d45089ea/attachment-0001.jpe