[Gerlanet] Nýtt merki! Ný heimasíða!

[Viggó Þór Marteinsson]

Kæru félagsmenn!

Ég vil vekja athygli ykkar á nýrri heimasíðu og nýju merki Örverufræðifélags Íslands. Skammstöfunin fyrir félagið á  íslensku er ÖRFÍ en TIMS (The Icelandic Microbiology Society) á ensku.

Með nýjum áherslum og tækni í samskiptum  hafa heimasíður reynst mjög  gagnlegar við að koma upplýsingum á framfæri. Útlit og viðmót slíkra síðna skiptir miklu máli fyrir notendur. Með þetta að leiðarljósi hófst vinna á síðasta starfsári undir stjórn Bjarnheiðar Guðmundsóttur  fráfarandi formanns við að lífga upp á útlit og merki félagsins.  Útkoman varð nýtt merki og nýtt útlit heimasíðu. 

Ragnhildur Ragnarsdóttir hannaði hið nýja merki félagsins og útlit heimasíðunnar í samvinnu við stjórnarmeðlimi ÖRFÍ. Kostnaður við hönnunina var gjöf frá  MV grafísk verkmiðlun.  Uppsetning heimasíðunnar var í höndum Snorra Páls ritstjóra vef- og fréttabréfs félagsins.

Heimasíðan á að þjónusta meðlimi ÖRFÍ og alla þá sem hafa áhuga á örverufræði. Meðal annars verður reynt ná til almennings í gegnum síðuna og kynna mismunandi hliðar örverufræðinnar. Við gerum ráð fyrir að síðan verði breytileg og í örri þróun. Allar góðar ábendingar varðandi heimasíðuna eru vel þegnar og þeim má koma til vefstjóra á heimasíðunni.

Vonast er til að almenn ánægja verði með nýja merkið og heimasíðuna (http://www.hi.is/fel/orveruf/) sem kemur til með að þjóna ykkur og öðrum sem hafa áhuga á örverufræðum. 

Að lokum minni ég  á vorþing ÖRFÍ sem verður haldið 3. mars að Lynghálsi 13 milli klukkan 20 og 22. Veitingar verða í boði Thorarensen lyf og Groco. Vinsamlegast sendið ágrip til Snorra (spd at hi.is)  fyrir 1. mars 

Fyrir hönd stjórnar, 
Viggó Þór Marteinsson
Formaður Örverufræðifélags Íslands




-------------- next part --------------
An HTML attachment was scrubbed...
URL: http://listar.hi.is/pipermail/gerlanet/attachments/20050225/9c4d3268/attachment.html