[Gandur] Útgáfuhóf bókarinnar Málarinn og menningarsköpun: Sigurður Guðmundsson og Kvöldfélagið 1858-1874

[Félag þjóðfræðinga á Íslandi]

Við vekjum athygli á útgáfuhófi sem fram fer í Safnahúsinu við Hverfisgötu
1. desember, á föstudag, kl: 15.

Útgáfuhóf og bókakynning

Í tilefni af útgáfu bókarinnar Málarinn og menningarsköpun: Sigurður
Guðmundsson og Kvöldfélagið 1858-1874 býður Þjóðminjasafn Íslands í
útgáfuboð í Safnahúsinu við Hverfisgötu föstudaginn 1. desember kl. 15.


Í bókinni eru 17 ritrýndar greinar, hluti afrakstrar fimm ára
rannsóknarverkefnis þar sem rýnt var í störf og áhrif Sigurðar
Guðmundssonar málara og Kvöldfélagsins í Reykjavík. Bókin er rétt um 600
blaðsíður að lengd, í henni eru u.þ.b. 140 myndir, en auk þess geymir hún
ítarlega heimildaskrá sem spannar rúmlega 30 blaðsíður. Þjóðminjasafn
Íslands gefur bókina út (í samstarfi við bókaútgáfuna Opnu). Bókin fæst í
safnbúðum Þjóðminjasafnsins og vefverslun


Greinarnar í Málarinn og menningarsköpun bæta nýjum víddum í sýn á
markvissar aðgerðir Sigurðar og Kvöldfélagsins í sköpun þjóðlegrar
menningar á Íslandi sem skilgreinir ímynd þjóðarinnar enn í dag. Í henni má
sjá samhengi við umræðu og pólitík í Kaupmannahöfn og eins endurómun og
áhrif alþjóðlegra hreyfinga. Höfundarnir skoða áhrif þessa merkilega starfs
á leikhús, þjóðsagna- og forngripasöfnun, hönnun, þjóðlega búninga,
þjóðfélagslega umræðu og fleira.

Greinasafnið er fyrst og fremst framlag til sögu Sigurðar Guðmundssonar
málara. Til hans má rekja upphaf Þjóðminjasafnsins, Þjóðleikhússins, skaut-
og kyrtilbúninga íslenskra kvenna og fleira, svo ekki sé minnst á almennt
framlag hans til sjálfstæðisbaráttu Íslendinga og verndunar innlendrar
menningar. En um þennan einstaka mann og áhrif hans á íslenska menningu
hefur hins vegar ekki verið gefin út bók síðan stutt æviminning kom út 1954
og hefur helst til lítið sést á prenti um hann yfirleitt. Þessi bók er því
vel tímabær og ætti að vekja áhuga allra sem vilja fræðast um málarann,
íslenska menningu og erlend áhrif sem mótuðu þjóðina og listir hennar á
seinni hluta nítjándu aldar.

Rannsóknarverkefnið var styrkt af RANNÍS og var unnið með stuðningi
Þjóðminjasafns Íslands, Landsbókasafnsins-Háskólabókasafns, Stofnunar Árna
Magnússonar í íslenskum fræðum og Þjóðskjalasafns Íslands (sjá vefsíðu
verkefnisins https://sigurdurmalari.hi.is/
<https://l.facebook.com/l.php?u=https%3A%2F%2Fsigurdurmalari.hi.is%2F&h=ATOMl5OeMEWvFYMzuQV1Zs_olTmtgcvt4Zl9KUyu7L1EeRTJDbIG6aw3GRaE8Ak1rq1CwZYq8KYsdc-CWXofTXkxf7Y1dUX-JL-YnsOLGsvd2rKcu1F57YwV5H8jfGqsLNhZRpz8SfWdBupMSnO2SjI0DEpR5Fb8PNpSkCA0M_oQArf65Ye13x3jDKUqsr-8aZnMAM8YCRf9M4PeHAjvyesHRrnv54Y0NCN6_pzM4ifzyOWGPpc9phhJw8c9fBrx5iz9prN8_Urycg_ukS7FhqscwuPQ4LqVcPD2QaU>).
Útgáfan naut stuðnings frá Miðstöð íslenskra bókmennta.


Höfundar: Arndís A. Árnadóttir, Edda Björnsdóttir, Eiríkur Valdimarsson,
Elsa Ósk Alfreðsdóttir, Guðmundur Hálfdanarson, Karl Aspelund, María
Kristjánsdóttir, Olga Holownia, Ólafur Engilbertsson, Sigurjón Baldur
Hafsteinsson, Sveinn Einarsson, Sveinn Yngvi Egilsson, Terry Gunnell.

Ritstjórar: Karl Aspelund, lektor í hönnun og textílfræðum í University of
Rhode Island og gestakennari í þjóðfræði í Háskóla Íslands og Terry
Gunnell, prófessor í þjóðfræði í Háskóla Íslands.