[Gandur] Leiðsögn um sýninguna Sögustaðir - í fótspor W.G. Collingwoods
frettatilkynning at thjodminjasafn.is
frettatilkynning at thjodminjasafn.is
Wed May 12 17:41:37 GMT 2010
Leiðsögn um sýninguna
Sögustaðir – í fótspor W.G. Collingwoods.
Sunnudaginn 16. maí veitir Einar Falur Ingólfsson leiðsögn um nýopnaða
sýningu sína í Þjóðminjasafni Íslands Sögustaðir – í fótspor W.G.
Collingwoods.
Leiðsögnin hefst klukkan 13:00 og er öllum opin.
Á sýningunni Sögustaðir – í fótspor W.G. Collingwoods má sjá ljósmyndaverk
eftir Einar Fal Ingólfsson, sem unnin eru með hliðsjón af vatnslitamyndum,
teikningum og ljósmyndum sem breski myndlistarmaðurinn og fornfræðingurinn
William Gershom Collingwood málaði og tók af stöðum sem koma fyrir í
Íslendingasögunum á tíu vikna ferðalagi um Ísland sumarið 1897. Sýningin
er hluti af Listahátíð í Reykjavík 2010.
W.G. Collingwood kom til landsins til að mála myndir af stöðum sem koma
fyrir í Íslendingasögunum og um leið skapaði hann merkar heimildir um
íslenskan samtíma sinn. Í ljósmyndum Einars Fals verður til samtal þriggja
tíma; samtíma áhorfandans í dag, samtíma Collingwoods árið 1897 og
sögualdarinnar, sem Bretinn hyllti í myndverkum sínum.
Á sýningunni í Bogasal Þjóðminjasafns Íslands má sjá úrval ljósmynda
Einars Fals og að auki hluta þeirra rúmlega 300 verka sem Collingwood
málaði hér á landi, en ríflega helmingur myndanna frá ferð hans eru
varðveittar í Þjóðminjasafninu.
Í tengslum við sýninguna var gefin út vegleg bók sem er til sölu í
Safnbúð. Í tilefni opnunarinnar er bókin á sérstöku afsláttartilboði til
sunnudags.
Með bestu kveðju,
Helga Vollertsen
Kynningarstjóri
Þjóðminjasafni Íslands
v/Suðurgötu
101 Reykjavík
s. 5302222/gsm 8242039
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20100512/b5459c1a/attachment-0001.html
-------------- next part --------------
A non-text attachment was scrubbed...
Name: not available
Type: image/gif
Size: 67578 bytes
Desc: not available
Url : http://listar.hi.is/pipermail/gandur/attachments/20100512/b5459c1a/attachment-0001.gif
More information about the Gandur
mailing list