[Gandur] Sögustaðir - Í fótspor W.G. Collingwoods
frettatilkynning at thjodminjasafn.is
frettatilkynning at thjodminjasafn.is
Mon May 10 16:11:26 GMT 2010
Sögustaðir
Í fótspor W.G. Collingwoods
Fimmtudaginn 13. maí verður sýningin Sögustaðir – Í fótspor W.G.
Collingwoods opnuð í Bogasal Þjóðminjasafns Íslands. Á sýningunni má sjá
ljósmyndaverk eftir Einar Fal Ingólfsson, sem unnin eru með hliðsjón af
vatnslitamyndum, teikningum og ljósmyndum sem breski myndlistarmaðurinn og
fornfræðingurinn William Gershom Collingwood málaði og tók af stöðum sem
koma fyrir í Íslendingasögunum á tíu vikna ferðalagi um Ísland sumarið
1897. Sýningin er hluti af Listahátíð í Reykjavík 2010.
Síðustu þrjú ár hefur Einar Falur notið leiðsagnar Collingwoods á ferð
sinni milli íslenskra sögustaða. Hann hefur farið milli staða þar sem
breski listamaðurinn vann og stuðst við myndverk hans og skrif.
W.G. Collingwood kom til landsins til að mála myndir af stöðum sem koma
fyrir í Íslendingasögunum og um leið skapaði hann merkar heimildir um
íslenskan samtíma sinn. Í ljósmyndum Einars Fals verður til samtal þriggja
tíma; samtíma áhorfandans í dag, samtíma Collingwoods árið 1897 og
sögualdarinnar, sem Bretinn hyllti í myndverkum sínum.
Á sýningunni í Bogasal Þjóðminjasafns Íslands má sjá úrval ljósmynda
Einars Fals og að auki hluta þeirra rúmlega 300 verka sem Collingwood
málaði hér á landi, en ríflega helmingur myndanna frá ferð hans eru
varðveittar í Þjóðminjasafninu.
Í samnefndri bók, sem Þjóðminjasafn Íslands og Crymogea gefa út, birtast
enn fleiri myndir úr verkefninu, auk ítarlegs texta ljósmyndarans um
verkefnið, ljósmyndun, málaralist, ferðalagið og tímann.
Með bestu kveðju,
Helga Vollertsen
Kynningarstjóri
Þjóðminjasafni Íslands
v/Suðurgötu
101 Reykjavík
s. 5302222/gsm 8242039
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20100510/76823406/attachment-0001.html
-------------- next part --------------
A non-text attachment was scrubbed...
Name: not available
Type: image/gif
Size: 37517 bytes
Desc: not available
Url : http://listar.hi.is/pipermail/gandur/attachments/20100510/76823406/attachment-0002.gif
-------------- next part --------------
A non-text attachment was scrubbed...
Name: not available
Type: image/gif
Size: 12353 bytes
Desc: not available
Url : http://listar.hi.is/pipermail/gandur/attachments/20100510/76823406/attachment-0003.gif
More information about the Gandur
mailing list