[Gandur] Varðveislusaga Bjarnastaðahlíðarfjala - Þór Magnússon "eys úr viskubrunnum" 4. mars kl. 12:05
frettatilkynning at thjodminjasafn.is
frettatilkynning at thjodminjasafn.is
Fri Feb 29 12:34:50 GMT 2008
Varðveislusaga Bjarnastaðahlíðarfjala
Þór Magnússon ,,eys úr viskubrunnum“ í Þjóðminjasafni Íslands 4. mars
klukkan 12:05
Þriðjudaginn 4. mars klukkan 12:05 verður ausið úr viskubrunnum í
Þjóðminjasafni Íslands. Þór Magnússon fv. þjóðminjavörður rekur
varðveislusögu myndfjala með sérstæðum útskurði sem nú eru til sýnis í
Bogasal Þjóðminjasafnsins. Talið er að fjalirnar séu úr dómsdagsmynd sem
prýtt hafi vesturvegg Hóladómkirkju á 12. öld.
Á sýningunni er gerð tilraun til að endurgera dómsdagsmyndina samkvæmt
tilgátuteikningu Harðar Ágústssonar listmála en byggt er á rannsóknum
hans, Selmu Jónsdóttur og Kristjáns Eldjárns.
Fjalirnar eru oftast kenndar við bæinn Bjarnastaðahlíð í Skagafirði en
þaðan komu þær til Þjóðminjasafnsins árið 1924. Að Bjarnastaðahlíð höfðu
þær hins vegar komið frá bænum Flatatungu og þangað höfðu ýmsir fræðimenn
gert sér ferð á 19. öld til að skoða þær.
Sveinn bóndi Guðmundsson sem eignaðist Bjarnastaðahlíð endurnýjaði húsin
þar árið 1890. Nokkru áður byggði hann skemmu og fékk til þess fjalir frá
Flatatungu. Dóttir hans sem oft hafði horft á myndirnar á þessum fjölum í
rjáfri skemmunnar, sagði frá því að þar hefði mátt sjá skepnur, hendur
fólks og fætur.
Þegar fjalirnar komu til Þjóðminjasafnsins voru þær orðnar mjög fúnar.
Engin þeirra er varðveitt í upphaflegri lengd, sumar eru aðeins smástúfar
nú, en nokkrar halda upphaflegri breidd. Allar voru þær í seinni tíð
notaðar sem húsaviður og hefur það vafalaust bjargað þeim frá glötum.
Frá þessu og fleiru segir Þór Magnússon næstkomandi þriðjudag klukkan
12:05 og er fólk hvatt til að fjölmenna.
Bestu kveðjur / Best regards
Rúna K. Tetzschner
kynningarstjóri / Public Relation Manager
Þjóðminjasafn Íslands / National Museum of Iceland
Suðurgötu 41 - 101 Reykjavík
fars. 824-2039, s. 530-2222 eða 5302248
netf. runa at thjodminjasafn.is
veff. http://www.thjodminjasafn.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20080229/195d3dfd/attachment.html
More information about the Gandur
mailing list