[Gandur] RÉTTUR TIL MENNIINGAR - málþing og sýning í LHÍ á morgun
Ólöf Gerður Sigfúsdóttir
olofg at lhi.is
Wed Feb 13 15:39:29 GMT 2008
Háskólafundaröð
Ísland á alþjóðavettvangi – erindi og ávinningur
Réttur til menningar – íslenskur menningararfur í ljósi hnattvæðingar
Málþing í Listaháskóla Íslands, Laugarnesi
Sýning í Kubbnum
Fimmtudaginn 14. febrúar kl. 10-12
Málþinginu verður netvarpað beint á heimasíðunni
www.utanrikisraduneyti.is/haskolafundarod
Fyrirlesarar ræða út frá mismunandi sjónarhornum fræða og lista um
íslenskan menningararf með áherslu á réttinn til afnota. Álitamál
verða rökrædd s.s. höfundaréttur á menningararfi, réttindi og skyldur
þegna til menningararfsins, áhrif hnattvæðingar og tengsl átaka og
menningar í því sambandi. Segja má að átakalínur í heiminum í dag
markist að miklu leyti af menningu og sjálfsmynd, ekki síst fyrir
tilstilli hnattvæðingar og aukinna náinna samskipta milli fólks af
ólíkum uppruna. Listir og menning eru einn sá brunnur sem leitað er í
við sköpun sjálfsmyndar, en réttur eintaklinga til að gera tilkall
til menningararfs er ekki alltaf augljós.
Dagskrá
Hjálmar H. Ragnarsson, rektor Listaháskóla Íslands
Setning málþings
Ingibjörg Sólrún Gísaldóttir, utanríkisráðherra
Ávarp
Eiríkur Tómasson, prófessor við lagadeild HÍ og framkvæmdastjóri STEFs
Höfundaréttur og menningararfur
Ólafur Rastrick, sagnfræðingur
Mishljómar í menningararfsorðræðunni
Dr. Sveinn Einarsson, leikstjóri og fyrrv. stjórnarmaður UNESCOs í París
UNESCO og menningarstefna samtakanna
Guðmundur Oddur Magnússon, prófessor í grafískri hönnun við LHÍ
Frummyndin, eftirmyndin og eignaréttur hugmynda
Umræður
Sýning í Kubbnum
Nemendur í vöruhönnun við LHÍ sýna afrakstur úr námskeiðinu “Íslensk
menning er sérstakur hljómur”, sem haldið hefur verið undanfarin ár í
samstarfi við Þjóðminjasafn Íslands.
Íslensk stjórnvöld efna til háskólafundaraðarinnar í vetur í samvinnu
við alla háskóla landsins, átta talsins. Markmið hennar er að hvetja
til aukinnar upplýstrar umræðu um alþjóðamál á Íslandi. Á fundunum
verður lögð áhersla á stöðu og hlutverk Íslands á alþjóðavettvangi,
auk þess að fjalla um þátttöku Íslands í alþjóðastarfi og einstök
verkefni, ekki síst framboð Íslands til Öryggisráðs Sameinuðu þjóðanna.
Utanríkisráðherra efnir einnig til kynningarfunds um menningarstarf
utanríkisþjónustunnar og áherslur í ímyndaruppbyggingu stjórnvalda
erlendis fyrir Ísland. Íslenska hátíðin "Iceland on the Edge" verður
kynnt á fundinum, en hún verður formlega opnuð í Brussel þann 26.
febrúar nk. Hátíðin er stærsta landkynningar- og menningarverkefnið
sem íslensk stjórnvöld, í samvinnu við fjölmarga aðila, efna til
erlendis á árinu 2008. Kynningarfundurinn hefst í Listaháskólanum
kl. 12:00, Laugarnesi, allir velkomnir.
__________________
Ólöf Gerður Sigfúsdóttir
Forstöðumaður Rannsóknaþjónustu/Director of Research Service Center
Listaháskóli Íslands/Iceland Academy of the Arts
Skipholt 1, 105 Reykjavík
tel +354 545 2211, 699 7066 (moblie)
fax +354 5623629
http://www.lhi.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20080213/982ad157/attachment.html
More information about the Gandur
mailing list