[Gandur] LEIÐRÉTTING: KVIKSAGA KYNNIR: Frásagnamenning og mótstaða í nútímaborgum
Kristinn Schram
kristinn at akademia.is
Fri Mar 30 15:00:05 GMT 2007
Vegna ófyrirsjánlegs húsnæðisvanda er SUNNUDAGSSÝNINGU Í TJARNARBÍÓI
FRESTAÐ TIL ÞRIÐJUDAGS KL. 20.00.
KVIKSAGA KYNNIR:
Frásagnamenning og mótstaða í nútímaborgum
Tjarnarbíó, þriðjudagur, 3. apríl kl. 20:00
Our Nation: A Korean Punk Rock Community (2002)- Stephen Epstein og
Tim Tangherlini
Talking Trauma – Tim Tangherlini (1995)
Verk í vinnslu: Negotating the City (stutt sýnishorn) – Kristinn Schram
Aðalmynd kvöldsins Our Nation, gerist í kjölfar alþjóðavæðingar og
batnandi efnahags í Suður-Kóreu en þá spruttu upp nýjir
menningarkimar ungs fólks. Frá 1994 – 1999 fylgdust
heimildamyndargerðarmennirnir með næturklúbbnum Drug og uppkomu
hljómsveitanna Crying Nut og Yellow Kitchen. Mynd þeirra skoðar þær
flóknu leiðir sem ungt fólk fer til að skapa eigin sjálfsmynd í á
margan hátt íhaldsömu þjóðfélagi. Hún ljair þeirri margradda frásögn
eyra sem vekur máls á samfélagsmálum eins og kyngervingu í kóreisku
pönki, hlutverki skólakerfisins í lífi æskunnar og þeim hröðu
breytingum sem eiga sér stað innan menningarkimanna sjálfra sem bera
þá nær og nær meginstraumnum. Í Talking Trauma fylgist
þjóðfræðingurinn Tim Tangherlini með kaldhæðnislegum frásögnum
sjúkraflutningamanna. Sögur þeirra eru skoðaðar sem úrlausn erfiðrar
reynslu og liður í valdabaráttu við samstarfsmenn sem oft tekur á sig
grátbroslegar myndir. Kristinn Schram, þjóðfræðingur, segir frá
fræðilegum bakgrunni þessara heimildamynda og sýnir brot úr
Negotiating the City sem fjallar um rannsókn hans á frásögnum
leigubílstjóra í Edinborg.
Allir velkomnir og aðgangur ókeypis.
----------------
Um heimildamyndagerðarmennina
Timothy R. Tangherlini er prófesor við UCLA, þjóðfræðingur og
kvikmyndagerðarmaður. Hann starfar einnig sem leiðbeinandi og
ráðgjafi í heimildamyndagerð bæði við etnógrafískar myndir sem og
heimildamyndir fyrir sjónvarp. Talking Trauma (1994) var fyrsta
einstaklingsverkefni hans en það vann m.a. til hinnar eftirsóttu
VITAS verðlauna á samnefndri kvikmyndahátíð etnógrafískra mynda í Los
Angeles. Hann hefur gefið út fjölda rita um efni eins og þjóðfræði,
frásagnarfræði og borgarmenningu og má þar nefna, Nationalism and the
Construction of Korean Identity (1999), Talking Trauma: Paramedics
and Their Stories (1998) and “Remapping Koreatown: Folklore,
Narrative and the Los Angeles Riots” (1999). Tangherlini hefur einnig
spilað á trommur í pönk -og indíhljómsveitum síðan 1981.
Stephen J. Epstein er dósent við Viktoríuháskóla á Nýja Sjálandi en
rannsóknarsvið hans er meðal annars kóreiskar nútímabókmenntir og
samfélag. Grein hans, Anarchy in the UK, Solidarity in the ROK: Punk
Rock Comes to Korea - [Acta Koreana 3 (2000) pp.1-34] er fyrsta
fræðilega umfjöllunin um kóreisku pönksenuna og er víða þekkt sem
einhver mikilvægasta rannsóknin á þessu sviði. Epstein spilar einnig
á bassa í fjölmörgum nýsjálenskum neðanjarðarhljómsveitum.
-----------
Um Kviksögu og Kvikmyndaklúbbinn Fjalaköttinn
Kviksaga er miðstöð kvikmynda og fræða. Kviksaga er vettvangur þar
sem fræði og kvikmyndir mætast t.d. við gerð heimildamynda,
vídeólistar, kennsluefnis eða sjónrænna rannsókna á menningu og
samfélagi. Kviksaga stuðlar einnig að samræðum og rannsóknum á
kvikmyndaforminu og er grundvöllur fyrir áhugasama til að mætast,
ræða og vinna saman. Á síðastliðnu ári hefur Kviksaga efnt til
sýninga ásamt fræðilegri umfjöllun, haldið námskeið og staðið að
kvikmyndahátíð. Á vefriti Kviksögu www.kviksaga.is er að finna
ritstýrðar greinar, viðtöl, tilkynningar og myndbrot á sviði fræða og
kvikmynda. Skrifstofa Kviksögu í ReykjavíkurAkademíunni er öllum opin
til skrafs og ráðagerða, afnota myndefnis og tengslanets
miðstöðvarinnar.
-------------- next part --------------
Skipped content of type multipart/appledouble-------------- next part --------------
Kvikmyndaklúbburinn Fjalakötturinn er nýr vettvangur fyrir
kvikmyndasýningar á Íslandi. Klúbburinn á heimili sitt í hinu
sögufræga Tjarnarbíói og hefur það að markmiði að stórauka
kvikmyndaúrval hér á landi með því að bjóða upp á sýningar á annars
konar myndum en hefur tíðkast í bíóhúsum bæjarins síðastliðin ár.
Klúbburinn mun blanda saman gömlu og nýju, gera grein fyrir
kvikmyndagerð ákveðinna þjóðlanda, taka verk ákveðins leikstjóra
fyrir og kynna strauma og stefnur á ákveðnum tímabilum eða í
nútímanum. Sjá dagskrá Fjalakattarins á www.filmfest.is
-------------------
Nánar um aðalmynd kvöldsins:
Our Nation: A Korean Punk Rock Community
Hátíðir og verðlaun:
· 9th Annual New York Underground Film Festival, 2002
· Lost Film Festival 9, 2004
· DC Underground Film Festival, 2003
· Chicago Underground Film Festival, 2002
· Asian American Showcase 2002, Gene Siskel Film Center
· Indie2002, Belo Horizonte, Brazil
· Punk Rock Film Festival, Seoul, Korea (2001)
· Johns Hopkins Film Festival 2002
Einnig sýnd hjá:
· Association for Asian Studies 2002
· California Folklore Society 2002
· American Folklore Society 2001
-------------- next part --------------
Skipped content of type multipart/appledouble-------------- next part --------------
More information about the Gandur
mailing list