[Gandur] Akademísk menning: Vettvangsrannsóknir á háskólasamfháskólasamfháskólasamfháskólasamfélaginu

[Valdimar Tryggvi Hafstein]

Félagsvísindadeild Háskóla Íslands 30 ára - HÁTÍÐARFYRIRLESTUR


Akademísk menning: Vettvangsrannsóknir á háskólasamfélaginu

Dr. Regina Bendix, prófessor í þjóðfræði flytur fyrirlesturinn Akademísk
menning: Vettvangsrannsóknir á háskólasamfélaginu (Academic Cultures:
Ethnographic Inroads into Uncharted Terrain) fimmtudaginn 22. mars kl.
16:00 í Hátíðarsal Háskóla Íslands í aðalbyggingu skólans.

Ágrip:
Hvernig stendur á því að til eru fleiri skáldsögur og krimmar sem lýsa upp
króka og kima háskólasamfélagsins en etnógrafískar rannsóknir? Án þess að
gera lítið úr þessum verkum, sem eru frábærar heimildir um mannlíf og
menningu í akademíunni, þá talar fyrirlesturinn fyrir kerfisbundnari
vettvangsrannsóknum á þekkingarframleiðslu og á þeim sem framleiða
þekkinguna. Rætt verður um hindranir í vegi slíkra rannsókna og nefnd ýmis
dæmi um vettvang innan háskólans sem á skilið frekari athygli fræðimanna –
ekki síst í því skyni að skýra stöðu okkar fyrir okkur sjálfum og gera
okkur í framhaldinu kleift að styrkja hana.

Um fyrirlesarann:
Dr. Regina Bendix prófessor er forseti evrópsku þjóðfræðisamtakanna og
yfirmaður Institut für Kulturanthropologie/ Europäische Ethnologie við
Georg-August Universität í Göttingen. Hún tók við þeirri stöðu árið 2001,
en var þar áður prófessor í þjóðfræði við University of Pennsylvania í
Bandaríkjunum. Jafnframt hefur hún kennt um lengri eða skemmri tíma við
ýmsa aðra háskóla, þ.á.m. við Kaliforníuháskólann í Berkeley, háskólana í
Basel og í Vínarborg, en kennir um þessar mundir hraðnámskeið í þjóðfræði
við Háskóla Íslands.

Skyldumæting fyrir alla þjóðfræðinga!