[Gandur] Vatnaniður í Snorrastofu

[runa at thjodminjasafn.is]

----- Forwarded by Rúna K. Tetzschner/Þjóðminjasafn/IS on 06.09.2006 15:42 
-----


"Bergur" <bergur at snorrastofa.is>
06.09.2006 15:24
 
        To:     <runa at thjodminjasafn.is>
        cc: 
        Subject:        Vatnaniður í Snorrastofu

Vatnaniður. Dagskrá um Björn J. Blöndal
 
Dagskrá til minningar um Björn J. Blöndal laxveiðimann og rithöfund verður 
flutt á vegum Snorrastofu í Reykholti og Safnahúss Borgarfjarðar 
laugardaginn 9. september nk. í hátíðarsal Snorrastofu, gamla skólahúsinu 
í Reykholti , kl. 13:00.
            Dagskráin verður fjölbreytt, en Páll Brynjarsson, 
sveitarstjóri Borgarbyggðar, mun setja hana. Fyrirlesarar verða Elín 
Blöndal, Björn Blöndal, Jóhannes Nordal, Guðrún Nordal, Gunnar Hersveinn, 
Össur Skarphéðinsson, Snorri Jóhannesson á Augastöðum og Þorkell Fjeldsted 
í Ferjukoti. Þá verður lesið upp úr bók Björns, Hamingjudagar, auk þess 
sem Silfurrefirnir verða með tónlistaratriði. Dagskránni  stýrir Bjarni 
Guðmundsson á Hvanneyri, en hún er opin öllum og er aðgangur ókeypis.
Björn Jónsson Blöndal var fæddur í Stafholtsey í Borgarfirði þann 9. 
september 1902.  Byggði hann nýbýli í landi Langholts í Bæjarsveit sem 
hann nefndi Laugarholt og bjó þar frá árinu 1931.  Hann stundaði 
hefðbundinn búskap með kýr og sauðfé og síðar einnig garðyrkju auk þess 
sem hann nýtti sér jarðhitann á staðnum til ræktunar í gróðurhúsum. Þess 
má geta að hann stundaði búfræðinám á Hvanneyri á árunum 1921-1923 og var 
um tíma hann kennari í Andakílshreppi, á árunum 1928-1931 og 1958-1961.  Á 
árunum 1922-1941 stundaði hann laxveiðar í net í Hvítá. 
Björn var mikill laxveiðimaður og skytta en ekki síður mikill 
náttúruskoðandi og náttúruunnandi. Stangveiði stundaði hann aðallega í 
Borgarfjarðaránum, mest við veiðisvæði sitt við Hvítá, Svarthöfða, en 
einnig veiddi hann í ýmsum ám víðar um landið. 
Björn og Jórunn Sveinbjarnardóttir kona hans leigðu auk þess út veiðirétt 
í Svarthöfða, bæði Íslendingum og erlendum mönnum, aðallega Bretum. 
Björn var fjölfróður um fugla og fiska, var vel að sér í grasafræði og 
flestu því sem varðar náttúru Íslands.  Þá bjó hann yfir mikilli þekkingu 
á íslenskri tungu og sögu Íslands.  Hann átti stórt safn bóka og las mikið 
jafnt á íslensku sem erlendum tungumálum. Þannig aflaði hann sér víðtækrar 
þekkingar á áhugamálum sínum. Mjög gestkvæmt var á heimili þeirra hjóna, 
Jórunnar og Björns enda voru þau vinamörg. Björn hafði einstaka 
frásagnargáfu og kunni ógrynni af sögum. Var hann óspar á að miðla 
fróðleik til samferðamanna sinna. 
Björn var rithöfundur og komu út eftir hann 13 bækur.  Auk þess ritaði 
hann talsvert í blöð og tímarit og starfaði mikið sem sjálfboðaliði við 
Orðabók Háskólans. 
Hann lést 14. janúar 1987, á áttugasta og fimmta aldursári.
 
 
Bergur Þorgeirsson
 
forstöðumaður
Snorrastofu í Reykholti
320 Reykholti
 
Sími: 433 8000
Farsími: 893 1492
Heimasími: 435 1525
Heimasíða: www.snorrastofa.is
 
 
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20060906/5d0eca86/attachment.html