[Gandur] Sagnakvöld á Kálfatjörn
Aðalheiður Guðmundsdóttir
adalh at hi.is
Mon Jan 16 22:49:18 GMT 2006
Sagnakvöld í Kálfatjarnarkirkju.
Fimmtudaginn 19. janúar kl. 20:00 – 22:00 ætla leiðsögumennirnir
Sigrún Franklín, Viktor Guðmundsson og Ómar Smári Ármannsson að bjóða
íbúum og öðru áhugasömu fólki upp á sagnakvöld í Kálfatjarnarkirkju á
vegum Leiðsögumanna s.e.s í samvinnu við Minjafélag
Vatnsleysustrandar og Mark-Hús ehf.
Saga Voga- og Vatnsleysustrandar er mjög áhugaverð. Leiðsögumenn
Reykjaness kynntu sér söguna og fylltust miklum áhuga vegna þess
hversu athyglisverð hún er og vilja miðla hluta hennar áfram til íbúa
og annarra gesta.
Sigrún segir frá helstu munum og minjum á Kálfatjörn og þar í kring
og sagnir þeim tengdum.
Viktor segir sagnir af fræknum útvegsmönnum og blómlegum útvegi á
Vatnsleysuströnd á seinni hluta 19. aldar.
Ómar segir frá seljabúskap, sem var mikið stundaður í
Vatnsleysustrandarhreppi á fyrri öldum, og sýnir myndir af minjum frá
þeim búskap.
Milli atriða verður fjöldasöngur við undirleik Þorvaldar Arnar
Árnasonar.
Að lokum verður boðið upp á kaffi og smákökur í skálanum við kirkjuna.
Allir velkomnir meðan húsrúm leyfir.
www.reykjanesguide.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20060116/443390d5/attachment.html
More information about the Gandur
mailing list