[Gandur] Hin mörgu andlit Maríu í Þjóðminjasafninu. Leiðsögn Þóru Kristjánsdóttur 12. des. kl. 12:10
frettatilkynning at thjodminjasafn.is
frettatilkynning at thjodminjasafn.is
Sun Dec 10 13:21:40 GMT 2006
Hin mörgu andlit Maríu í Þjóðminjasafninu.
Sérfræðileiðsögn Þóru Kristjánsdóttur og táknmálsleiðsögn þriðjudaginn 12.
desember klukkan 12:10. Táknmálstúlkur verður með leiðsögninni
Hinar fjölbreytilegu sérfræðileiðsagnir Þjóðminjasafnsins Ausið úr
viskubrunnum halda áfram. Þriðjudaginn 12. desember klukkan 12:10 verður
Þóra Kristjánsdóttir list- og sagnfræðingur með erindi og leiðsögn sem hún
kallar Hin mörgu andlit Maríu í Þjóðminjasafninu. Þóra byrjar í
fyrirlestrarsal safnsins og gengur síðan með gestum um safnið og bæði
sýnir og segir frá Maríu mey.
,,Líkneskin og myndirnar af Maríu í safninu,” segir Þóra, ,,eru eins
ólíkar og þær eru margar. Þar eru málaðar myndir, útskornar úr tré og
beini, höggnar út í stein, greyptar í silfur og aðra dýra málma og
saumaðar á klæði. Maríumyndir og líkneski í eigu Þjóðminjasafnsins eru
flest frá því fyrir siðaskipti en þó eru til yngri myndir líka, bæði eftir
íslenskan prest frá upphafi 18. aldar og ýmsar útsaumsmyndir. Íslenskar
konur hafa haldið áfram að sauma Maríu út í klæði alveg fram á þennan dag.
Af öllum dýrlingum var jómfrú María, himnadrottningin og hin syrgjandi
móðir guðs, mest dýrkuð hér á landi í kaþólskum sið og víðast annars
staðar meðal kristinna manna. Líklega hafa langflestar kirkjur á Íslandi
átt Maríumyndir og sumar jafnvel margar.“
Þóra starfar sem sérfræðingur í kirkjulist og listgripum fyrri alda í
Þjóðminjasafni Íslands. Hún á að baki fjölþættan starfsferil, meðal annars
sem listráðunautur Kjarvalsstaða, verkefnisstjóri listsýninga í Norræna
húsinu og hefur verið virk í listvinafélagi Hallgrímskirkju. Í fyrra kom
auk þess út bók hennar Mynd á þili. Íslenskir myndlistarmenn á 16., 17. og
18. öld sem er grundvallarrit um listsköpun Íslendinga frá siðaskiptum og
fram á 18. öld.
Hjá Þóru Kristjánsdóttur fer saman mikil þekking og fróðleikur og
hæfileiki til að miðla þeirri þekkingu sem hún býr yfir á lifandi og
auðskiljanlegan hátt. Hún segir þannig frá að unun er á að hlusta og mun
vafalaust ausa úr viskubrunni sínum fyrir þá sem koma í leiðsögnina
næstkomandi þriðjudag.
Þjóðminjasafnið fær viðurkenningu Sjálfsbjargar fyrir aðgengi fyrir alla.
Táknmálstúlkur verður með leiðsögn Þóru Kristjánsdóttur en Þjóðminjasafn
Íslands leggur áherslu á aðgengi fyrir alla. Á Alþjóðadegi fatlaðra
sunnudaginn 3. desember síðastliðinn tóku Margrét Hallgrímsdóttir
þjóðminjavörður og Anna Guðný Ásgeirsdóttir fjármálastjóri safnsins við
viðurkenningu til Þjóðminjasafnsins frá Sjálfsbjörgu Isf fyrir gott
aðgengi fyrir alla að nýju Þjóðminjasafni. Þarna er um afar mikilvæga
viðurkenningu að ræða sem Þjóðminjasafnið er bæði þakklátt fyrir og stolt
af. Viðurkenningin er jafnframt hvatning til enn frekari árangurs á þessu
sviði. Þjóðminjasafnið mun áfram kappkosta að gera safnið aðgengilegt
öllum landsmönnum.
Bestu kveðjur / Best regards
Rúna K. Tetzschner
kynningarstjóri / Public Relation Manager
Þjóðminjasafn Íslands / National Museum of Iceland
Suðurgötu 41 - 101 Reykjavík
fars. 824-2039, s. 530-2222 eða 5302248
netf. runa at thjodminjasafn.is
veff. http://www.thjodminjasafn.is
-------------- next part --------------
An HTML attachment was scrubbed...
URL: http://listar.hi.is/pipermail/gandur/attachments/20061210/16015e4c/attachment.html
More information about the Gandur
mailing list