[Gandur] hleypur svo einn með hærusekk

[Kristin Einarsdottir]

Góðan daginn
nú þurfa tilvonandi göngugarpar að skrá sig hið snarasta í hina árlegu
Kjalvegsgöngu þjóðfræðinga en aðeins er um 20 pláss að ræða og gildir hið
forna siðalögmál ,,fyrstir koma fyrstir fá".


Lesið vel:
Draugaferð á Kjalveg 26. - 27. júní 2004.
Helgina 26. og 27. júní er fyrirhuguð ganga um Kjalveg hinn forna, en sú
hefð er að skapast meðal verðandi og verandi þjóðfræðinga að fara slíka
ferð á hverju ári. Ferðin hefst við skála Ferðafélags Íslands í Hvítárnesi
og endar í Þjófadölum, sem eru um það bil 10 km suður af Hveravöllum.
Ferðin tekur tvo daga, gist er eina nótt í skálanum í Þverbrekknamúla. Á
þessum slóðum er mikil og lifandi draugatrú. Þarna urðu Reynistaðarbræður
einmitt úti og í skálanum í Hvítárnesi er magnaður draugur sem lætur ekki
nokkurn ókvæntan karlmann í friði, reki hann þar inn nefið.

Kristín Einarsdóttir hefur nú eins og áður umsjón með ferðinni og
upplýsingar um útbúnað og annað er hægt að nálgast hjá henni
(kriste at hi.is)