[Folda] Re: Morguninn

[Helgi Arnar]

Kæru félagar

Þakka þér fyrir Björn. En Það sem þú minntist hér á í gær er margt mjög satt 
og rétt.
En þó vil ég ítreka það að stjórn Foldu er ekki með neinu móti að missa 
sjónar á hlutverki félagsins.

Hlutverk félagsins eru:
- að gæta hagsmuna/réttinda félagsmanna innan skora og deildar
(þetta hefur gengið mjög vel)

- að stuðla að bættri menntun og aðstöðu félagsmanna.
(þetta hefur einnig skilað árangri, t.d símamálin:)

- að auka tengsl og samvinnu félagsmanna
(þetta hefur ekki gengið sem skildi, m.v. mætingu félagsmanna á árshátíð og 
ársfund félagsins)

- að viðhalda góðu félagslífi
(hefur engan vegin verið nógu virkt)

- að koma á góðum tengslum við Jarðvísindastofnun og gæta hagsmuna 
félagsmanna þar.
(gengið þokkalega hingað til)

- að stuðla að faglegri umræðu meðal félagsmanna með fundum/ kynningum/ 
fyrirlestrum.
(gengið mjög vel)

- að stuðla að auknum tengslum félagsmanna við atvinnulífið.
(gengið ekki nógu vel)

Af þessu má sjá að sum þessara markmiða hafa gengið mjög vel og er það gott 
og gilt.
En hins vegar er það alveg skýrt fyrir mér og minni stjórn að markmiðin eins 
og samvinna félagsmanna, félagslíf, tengsl við atvinnulíf og þar fram eftir 
götunum hefur ekki verið upp á marga fiska. Stjórn Foldu vill bæta úr þessu, 
án þess að skerða eða letja önnur markmið félagsins.

Í kvöld verður haldin kvöldstund í Öskju (sem skv. lögum félagsins er 
heimili Foldu) og fengum við fjárstyrk frá Jarðfræðiskor til að halda 
kynningarfund fyrir BS-nemendur í jarðvísindum. Hugmyndin er að kynna fyrir 
þeim nokkur framhaldsverkefni og þau fái tækifæri á að spjalla við 
framhaldsnemendur. Einnig verður kynning á Jarðvísindastofnun og Norræna 
Eldfjallasetrinu sem Sæmundur Ari Halldórsson sér um.

Að auki verður vonandi rætt samstarf framhaldsnema í jarðvísindum við 
BS-nemendur skólans á komandi misserum. Þá er verið að tala um að halda 
sameginlegar fræðsluferðir, til fyrirtækja, út á land, upp á fjöll og þar 
fram eftir götunum. Hugmyndir hafa kviknað að fá fyrirtæki til liðs með 
okkur og í stað hefðbundna vísindaferða, þá sjái þau um að halda 
fróðleiksríkar kynningar, hugsanlega í sniði dagsferða um þau svæði sem þau 
vinna á.

Að lokum vil ég ítreka það enn og aftur að stjórnin er með engin plön um að 
breyta Foldu að neinu tagi. Einungis að bæta félagsstarf og anda 
félagsmanna.
Svo er það að sjálfsögðu verk BS-nemenda sjálfra, að ákvarða framtíð sína og 
Fjallsins.

Bestu kveðjur,

Helgi Arnar Alfreðsson