<br>
<hr noshade>
<br>
<br>
<br><img src=cid:_2_31992B583199290000385BA900257C71>
<br>
<br><font size=3>Yngvi Harðarson flytur erindi á málstofu Hagfræðideildar
undir yfirskriftinni <b>Leiðandi hagvísir fyrir Ísland</b>.
 
</font>
<p><font size=3>Samsettir leiðandi hagvísar eru vísitölur sem hreyfast
í aðdraganda breytinga á efnahagsástandi. Slíkar vísitölur eru gagnlegar
við gerð skammtímaspár um efnahagsframvindu. Meginmarkmiðið með gerð leiðandi
hagvísis er að hjálpa til við að sjá fyrir viðsnúning í efnahagsumsvifum
en vandasamt hefur þótt að spá fyrir um slíkt með hefðbundum þjóðhagslíkönum.
 
</font>
<p><font size=3>Hugmyndin að baki leiðandi hagvísi er sú að framleiðsla
hefur aðdraganda. Hagvísirinn er reiknaður á grundvelli þátta sem mælast
í upphafi framleiðsluferilsins og/eða veita vísbendingar um eftirspurn
eftir vörum og þjónustu. Til að unnt sé að auka framleiðslu þarf t.d. að
afla aðfanga og stofna til fjárfestinga.
 
</font>
<p><font size=3>Vísitölur leiðandi hagvísa hafa verið reiknaðar fyrir helstu
iðnríki um áratugaskeið. Upphafið má rekja til rannsókna Wesley Mitchell
og síðar Arthur Burns á vegum NBER í BNA. Í dag eru leiðandi hagvísar reiknaðir
fyrir helstu iðnríki af ýmsum aðilum, opinberum aðilum, einkafyrirtækjum,
samtökum og alþjóðastofnunum s.s. OECD. 
 
</font>
<p><font size=3>Aðferðafræði OECD við útreikning leiðandi hagvísa er vönduð
og vel skjöluð. Leiðandi hagvísir Analytica er byggður á þeirri aðferðafræði
og er ætlað að gefa vísbendingu um efnahagsumsvif að u.þ.b. sex mánuðum
liðnum en megintilgangurinn er að vara tímanlega við viðsnúningi í efnahagsumsvifum.<br>
<b><br>
Yngvi Harðarson</b> er hagfræðingur og framkvæmdastjóri Analytica, fyrirtækis
sem veitir áhættu- og fjárfestingaráðgjöf.</font>
<p>
<p>
<p><img src=cid:_2_31994C54319949CC00385BA900257C71>
<br><font size=2 face="sans-serif">Elísa Jóhannsdóttir<br>
Markaðs- og kynningarstjóri, Viðskiptafræðideild og Hagfræðideild<br>
Netfang: ej@hi.is</font>