[Vid-stund] Lokaútkall: Morgunverðarfundur um einkarekstur í heilbrigðiskerfinu

[Stofnun stjórnsýslufræða og stjórnmála]

Félag forstöðumanna ríkisstofnana og Stofnun stjórnsýslufræða og 
stjórnmála við Stjórnmálafræðideild 
Háskóla Íslands kynna: 
 - Einkarekstur í heilbrigðiskerfinu -
-Samtal milli stjórnvalda og akademíu -

Skráning fer fram hér
Skráningargjald ásamt morgunverði kr. 5.400

Aukinn einkarekstur og fjölbreytni rekstrarforma í félagslegu 
heilbrigðiskerfi getur haft víðtæk áhrif á árangur kerfisins. Markmið 
breytinga af þessu tagi er að ná inn tilætluðum kostum markaða um 
skilvirkni, hagkvæmni og gæði. Opinber heilbrigðiskerfi sem eru að mestu 
fjármögnuð með almennum sköttum hafa margþætt markmið. Auk markmiða um 
skilvirkni, hagkvæmni og gæði þá vega markmiðin um jöfnuð, aðgengi og 
öryggi þungt þegar litið er til réttmætis félagslegra heilbrigðiskerfa. 
Þessi markmið eru og verða viðfangsefni stjórnmálanna. Að tryggja að þessi 
ólíku markmið nái fram að ganga er ekki aðeins stjórnunarleg jafnvægislist 
heldur mikil pólitísk áskorun. 
Stofnun Stjórnmála og stjórnsýslufræða býður til morgunverðarfundar þann 
27. apríl næstkomandi á Grand Hótel Reykjavík á milli kl. 08.00 og 10.00 
þar sem efnt er til samtals milli stjórnvalda og akademíu um þær áskoranir 
og tækifæri sem felast í breytingum í átt til aukins einkarekstrar í 
félagslegum heilbrigðiskerfum. Tilefnið er viljayfirlýsing 
ríkisstjórnarinnar og samtaka lækna frá 5. janúar sl. um aðgerðir til að 
efla og styrkja íslenska heilbrigðiskerfið. 
Þrír framsögumenn úr röðum fræðimanna munu gera grein fyrir sínum skoðunum 
en þau verða:
1. Dr. Ragnar Árnason, prófessor við Hagfræðideild Háskóla Íslands
2. Dr. Sigurbjörg Sigurgeirsdóttir, lektor við Stjórnmálafræðideild 
Háskóla Íslands
3. Dr. Rúnar Vilhjálmsson, prófessor við Hjúkrunarfræðideild Háskóla 
Íslands.
Að loknum framsögum munu fara fram pallborðsumræður en í pallborði verða 
þau Sigríður Ingibjörg Ingadóttir og Guðlaugur Þór Þórðarson alþingismenn 
ásamt Oddi Steinarssyni, lækningaforstjóra heilsugæslu 
höfuðborgarsvæðisins og Páli Matthíassyni, forstjóra Landspítala.
Fundarstjóri verður Siv Friðleifsdóttir fyrrv. alþingismaður og ráðherra.




Stofnun stjórnsýslufræða og stjórnmála
Stjórnmálafræðideild Háskóla Íslands
Gimli við Sæmundargötu , 101 Reykjavík.

Netfang stofnunarinnar: stjornsyslaogstjornmal at hi.is
Vefsetur: www.stjornsyslustofnun.hi.is- heimasíða stofnunarinnar
www.stjornmalogstjornsysla.is - veftímarit
www.nyskopunarvefur.is- vefur um nýsköpun í opinberri þjónustu
-------------- next part --------------
An HTML attachment was scrubbed...
URL: <http://listar.hi.is/pipermail/vid-stund/attachments/20150422/3156c1a0/attachment-0001.html>
-------------- next part --------------
A non-text attachment was scrubbed...
Name: not available
Type: image/gif
Size: 67191 bytes
Desc: not available
URL: <http://listar.hi.is/pipermail/vid-stund/attachments/20150422/3156c1a0/attachment-0001.gif>