[Vid-stund] Afmælishátíð Íslensku kosningarannsóknarinnar 15. maí næstkomandi

[Gestur Páll Reynisson]

Stjórnmálafræðideild Háskóla Íslands, Stofnun stjórnsýslufræða og 
stjórnmála, Félagsvísindastofnun Háskóla Íslands og Félag 
stjórnmálafræðinga kynna

Íslenskir kjósendur í 30 ár 
Afmælishátíð Íslensku kosningarannsóknarinnar 

Afmælishátíðin verður haldin fimmtudaginn 15. maí í Öskju - Háskóla 
Íslands, stofu 132, kl. 14:00-16:00 og verður boðið upp á léttar veitingar 
eftir fyrirlestrana. 


Alþingiskosningarnar árið 2013 mörkuðu 30 ára afmæli Íslensku 
kosningarannsóknarinnar. Ólafur Þ. Harðarson, prófessor í stjórnmálafræði, 
hefur stýrt kosningarannsókninni frá upphafi og er hún ein elsta og 
viðamesta langtímarannsókn innan félagsvísinda á Íslandi. Í tilefni þessa 
áfanga er boðað til afmælishátíðar undir yfirskriftinni ?Íslenskir 
kjósendur í 30 ár?. Heiðursgestur hátíðarinnar er Hermann Schmitt, 
prófessor í stjórnmálafræði við Háskólann í Manchester og Háskólann í 
Mannheim, og einn helsti sérfræðingur í Evrópu um kjósendur og kosningar í 
nútímalýðræðisríkjum. 
Í tilefni afmælishátíðarinnar verða gögn Íslensku kosningarannsóknarinnar 
jafnframt opnuð formlega í gegnum vefumsjónarkerfi Nesstar. Í gegnum það 
kerfi er hægt að skoða niðurstöður úr Íslensku kosningarannsókninni án 
þess að þurfa til þess sérhæfð tölfræðiforrit. Opnun gagnanna í Nesstar 
mun því gera öllum sem á því hafa áhuga kleift að skoða og greina gögnin. 

Dagskrá 
14:00-14:30        Ólafur Þ. Harðarson, prófessor í stjórnmálafræði og 
forstöðumaður Íslensku kosningarannsóknarinnar. Er Ísland á krossgötum? 
Þróun á kosningahegðunnar á síðustu áratugum. 
14:30-14:45        Hulda Þórisdóttir, lektor við stjórnmálafræðideild 
Háskóla Íslands. 
Snýst allt um skatta?: Málefnaafstaða íslenskra kjósenda frá 1983-2013. 
14:45-15:00        Eva H. Önnudóttir, doktorsnemi í stjórnmálafræði við 
Háskólann í Mannheim, CDSS. Voru kosningarnar 2009 krítískar kosningar?: 
Kreppur og breyttir kjósendur. 
15:00-15:15        Viktor Orri Valgarðsson, verkefnastjóri hjá 
Félagsvísindastofnun Háskóla Íslands. Sjálfstæðiskynslóðin? Kjörsókn á 
Íslandi í gegnum ári. 
15:15-16:00        Hermann Schmitt, prófessor við Háskólann í Manchester 
og Háskólann í Mannheim. Kosningarannsóknir 21.aldarinnar. 

Nánari umfjöllun um fyrirlesara og erindi þeirra má finna á heimasíðu 
Stofnunar stjórnsýslufræða. www.stjornsyslustofnun.hi.is


Bogi Ágústsson, fréttamaður hjá Ríkisútvarpinu, stýrir umræðum og 
fyrirspurnum að erindum loknum. 

Nánari upplýsingar um afmælishátíðina veitir Eva H. Önnudóttir (891 6993 / 
eho at hi.is). 
Erindi og umræður fara fram á ensku. 
Allir eru velkomnir. 


Stofnun stjórnsýslufræða og stjórnmála
Stjórnmálafræðideild Háskóla Íslands
Gimli við Sæmundargötu , 101 Reykjavík.

Netfang stofnunarinnar: stjornsyslaogstjornmal at hi.is
Vefsetur: www.stjornsyslustofnun.hi.is- heimasíða stofnunarinnar
www.stjornmalogstjornsysla.is - veftímarit
www.nyskopunarvefur.is- vefur um nýsköpun í opinberri þjónustu
-------------- next part --------------
An HTML attachment was scrubbed...
URL: http://listar.hi.is/pipermail/vid-stund/attachments/20140508/3cde7353/attachment.html