[Vid-stund] Minnt er á frest til 15. apríl til að skila ritrýndum greinum í 1. tölublað, 2013: Stjórnmál og stjórnsýsla -Veftímarit, sem kemur út í júní

[Stofnun stjórnsýslufræða og stjórnmála]

Til fræðimanna um stjórnmál, stjórnsýslu og tengdar greinar. 

Veftímaritið Stjórnmál og stjórnsýsla er gefið út tvisvar á ári á 
heimasíðu þess www.stjornmalogstjornsysla.is   Ritrýndar fræðigreinar 
hvers árgangs eru gefnar út á prentuðu formi í febrúar árið eftir. 
Tilgangur tímaritsins er að gefa út og gera aðgengilegt þverfræðilegt efni 
um rannsóknir á sviði stjórnmála, stjórnsýslu og alþjóðamála með það fyrir 
augum að auka við þekkingu og efla faglega umræðu á þessum sviðum á 
Íslandi.  Ritrýndi hluti tímaritsins gegnir hlutverki fræðitímarits í 
stjórnmála- og stjórnsýslufræðum.  Í veftímaritinu er  stjórnmála- og 
stjórnsýslufræðingum, félagsfræðingum, hagfræðingum, heimspekingum, 
lögfræðingum, sagnfræðingum, viðskiptafræðingum og öðrum þeim er stunda 
rannsóknir og skrifa um þau viðfangsefni gefinn kostur á að gera 
rannsóknir sínar aðgengilegar og auka þannig fræðilega umfjöllun. Almennu 
greinarnar fjalla um sömu viðfangsefni en eru opinn vettvangur.  Í 
vefritinu eru eftirtaldir efnisflokkar:  ritrýndar fræðigreinar, greinar 
almenns eðlis og bókadómar,  auk tengla á samtök stjórnmála- og 
stjórnsýslufræðinga hérlendis og erlendis og fleiri innlendra og erlendra 
upplýsingaveita á sviði stjórnsýslu og stjórnmála. 

Veftímarritið er jafnframt gefið út í enskri útgáfu (Icelandic Review of 
Politics and Administration), sjá flipann English í hægra horni vefsins. 

Á vefsvæði timaritsins www.stjornmalogstjornsysla.is er að finna 
leiðbeiningar fyrir höfunda greina. 

Þegar hafa verið gefin út fimmtán tölublöð á vefnum og ritrýndar greinar 
hvers árgangs verið prentaðar og eru þær bækur fáanlegar hjá 
Háskólaútgáfunni, helstu bókabúðum og  bókasöfnum,   Einnig er hægt að 
gerast áskrifandi að prentaðri útgáfu af ritrýndum greinum sem birtast í 
veftímaritinu og kemur hún út einu sinni á ári.  8. árg. 2012 kemur út 
síðar í þessum mánuði og kostar áskrift 4200,-  Gerast áskrifandi. 

Möguleiki er á að panta eldri árganga tímaritsins á netfanginu 
astam at hi.is.  

Fyrir hönd ritnefndar, 

Með bestu kveðju, 
Ásta Möller MPA, 
forstöðumaður/director 

Stofnun stjórnsýslufræða og stjórnmála / Institute of Public Management 
and Politics. 
Háskóli Íslands/University of Iceland 
Gimli við Sæmundargötu, 101 Reykjavík 
astam at hi.is 
Símar/tel +354- 525-5454/ +354-8639307 
Heimasíða: http://www.stjornsyslustofnun.hi.is
Veftímarit:http://www.stjornmalogstjornsysla.is/ 

 


_______________________________________________
Þessi póstur var sendur á póstlistann Hi-starf at listar.hi.is.
Efni hans og innihald eru á ábyrgð sendanda og endurspegla
ekki endilega stefnu Háskóla Íslands í einstökum málum.
Sjá http://listar.hi.is/mailman/listinfo/hi-starf og 
news:hi.listar.hi-starf.
-------------- next part --------------
An HTML attachment was scrubbed...
URL: http://listar.hi.is/pipermail/vid-stund/attachments/20130204/023c2ce5/attachment.html