[Vid-stund] Til kennara hagfr. og viðskfr.: Fimmtudaginn 18. feb. morgunverðarfundur fjármálaráðuneytis ofl. um endurskipulagningu opinberrar þjónustu á Íslandi

[Margrét S. Björnsdóttir]

Fjármálaráðuneytið, Sóknaráætlun 20/20, Félag forstöðumanna ríkisstofnana 
og Stofnun stjórnsýslufræða við HÍ bjóða til......


...ráðstefnu og vinnustofu um endurskipulagningu opinberrar þjónustu 
Grand Hótel – fimmtudaginn 18. febrúar 2010, kl. 8:00-11:00. Dagskráin 
hefst kl. 8:30.

Þátttökugjald er 3.900 kr. og er morgunverður innifalinn. Skráning: 
http://www.stjornsyslustofnun.hi.is/page/endurskipulagning

1. Fjármálaráðherra Steingrímur J. Sigfússon kynnir það sem framundan er 
og nauðsyn endurskipulagningar ríkisrekstrarins í því ljósi.
2. Ragnhildur Arnljótsdóttir ráðuneytisstjóri og Arnar Másson 
fjármálaráðuneyti kynna fyrirliggjandi hugmyndir að endurskipulagningu og 
stjórnkerfisbreytingum.
3. Ragnhildur Hjaltadóttir ráðuneytisstjóri kynnir fyrirhugaðar tilfærslur 
á verkefnum til sveitarfélaga og áhrif þeirra.
4. Skúli Eggert Þórðarson ríkisskattstjóri kynnir vinnulag við nýlega 
sameiningu skattumdæma, se dæmi um endurskipulagningu opinberrar þjónustu.
5. Þátttakendur leggja inn hugmyndir að tækifærum í endurskipulagningu og 
breyttri verkaskiptingu ríkis og sveitarfélaga.
(Sjá nánari dagskrá neðst í póstinum)
Ráðstefnustjóri er Berglind Ásgeirsdóttir, ráðuneytisstjóri í 
heilbrigðisráðuneytinu.

Í samstarfsyfirlýsingu ríkisstjórnarinnar er kveðið á um umtalsverðar 
stjórnkerfisbreytingar og umbætur í því skyni að gera þjónustu hins 
opinbera við almenning og atvinnulíf eins góða og kostur er með fjármunum 
sem til ráðstöfunar eru hverju sinni. Þá er í þingsályktunartillögu um 
sóknaráætlun til að efla atvinnulíf og samfélag um allt land, sem nú 
liggur fyrir Alþingi, fjallað um endurskipulagningu opinberrar þjónustu og 
eflingu sveitarstjórnarstigsins. Markmiðið er að forgangsraða í 
ríkisrekstrinum með nýjum hætti, verja grunnþjónustu, auka skilvirkni í 
ríkisrekstri með stærri og hagkvæmari einingum, einfalda stjórnsýslu og 
þjónustu, endurskoða verkaskiptingu milli ríkis og sveitarfélaga og gera 
ríkiskerfið betur í stakk búið til að takast á við breytingar. 

Þó að staða ríkisfjármála kalli á endurskipulagningu eru breytingar á 
ákveðnum sviðum löngu tímabærar, m.a. vegna breytinga sem orðið hafa á 
þörfum fólks í samfélaginu, byggðaþróun og tækniþróun. Flest ráðuneyti 
hafa farið yfir verkefnin sem þau sinna og við það hafa kviknað fjölmargar 
hugmyndir um sameiningar stofnana og breytingar á verkefnum. Sumu hefur 
þegar verið hrint í framkvæmd meðan annað er styttra á veg komið.

Fyrr í vetur var haldin ráðstefna um sameiningu og endurskipulagningu 
stofnana. Þar var rætt almennt um það hvernig best væri að standa að 
breytingum eins og þeim sem nú eru á döfinni. Þessi ráðstefna er framhald 
af þeirri fyrri og skiptist hún í tvo hluta: 
I. Í fyrri hlutanum verður rædd nauðsyn þess að ráðast í viðamiklar 
skipulagsbreytingar á þessum tímapunkti og leitað svara við þremur 
spurningum tengdum endurskipulagningu opinberrar þjónustu: Af hverju erum 
við að endurskipuleggja opinbera þjónustu? Hvaða þjónustu eigum við að 
endurskipuleggja? Hvernig förum við að því?
II. Í síðari hlutanum verður vinnustofa með þjóðfundarfyrirkomulagi þar 
sem ráðstefnu­gestum gefst færi á að ræða tækifæri og möguleika sem felast 
þeim hugmyndum sem uppi eru um breytingar. 


Dagskrá

Kl. 8:00 Morgunverður og skráning þátttakenda.

Kl. 8:30 Ráðstefnustjóri býður gesti velkomna og fer yfir skipulag og 
markmið fundarins. 

Af hverju?
Kl. 8:40 Fjármálaráðherra fjallar um nauðsyn endurskipulagningar 
opinberrar þjónustu.

Hvað?
Kl. 9:00 Ragnhildur Arnljótsdóttir, ráðuneytisstjóri í 
forsætisráðuneytinu, og Arnar Þór Másson, sérfræðingur í 
fjármálaráðuneytinu, fara yfir helstu hugmyndir sem hafa verið til umræðu 
innan ráðuneyta um endurskipulagningu þjónustu hjá ríkinu og tengja þær 
við aðrar áformaðar stjórn­kerfisbreytingar.

Kl. 9:20 Ragnhildur Hjaltadóttir, ráðuneytisstjóri í samgöngu- og 
sveitarstjórnarráðuneytinu, fer yfir áform um eflingu 
sveitarstjórnarstigsins, tilflutning verkefna frá ríki til sveitarfélaga 
og hvaða áhrif hann getur haft á skipulag opinberrar þjónustu.

Hvernig?
Kl. 9:40 Skúli Eggert Þórðarson ríkisskattstjóri greinir frá vinnu um 
sameiningu níu skattaumdæma í eitt með mörgum starfsstöðvum.

Kl. 10:00 Vinnustofa um endurskipulagningu opinberrar þjónustu. 
Þátttakendum, ásamt verkstjóra sem verður á hverju borði,  er falið að 
fjalla aðra hvora eftirfarandi spurninga og skila tillögum:
Hvar eru helstu tækifærin við sameiningu ráðuneyta og stofnana?
Hvar eru helstu tækifærin í tengslum við eflingu sveitarstjórnarstigsins 
og aukins samstarfs um veitingu þjónustu ríkis og sveitarfélaga?

Kl. 11:00 Ráðstefnuslit
-------------- next part --------------
An HTML attachment was scrubbed...
URL: http://listar.hi.is/pipermail/vid-stund/attachments/20100211/4cbd5485/attachment.html