[Vid-stund] Endurskoðendur og opinberi geirinn

[Áshildur Bragadóttir]

Endurskoðendur og opinberi geirinn 
Bjarni Frímann Karlsson, lektor viðskipta- og hagfræðideildar Háskóla 
Íslands heldur fyrirlestur í málstofu viðskipta- og hagfræðideildar 
Háskóla Íslands þriðjudaginn 27. febrúar kl. 12. 15 í Odda stofu 101. 
Fyrirlesturinn er opinn öllum. 
Vísbendingar eru á lofti um að starfsemi endurskoðunarstofa sé í dag 
sniðinn þrengri stakkur en var fyrir fáeinum árum. Ráðgjafarþátturinn 
hefur að mestu leyti flust frá þeim og fyrirtæki verða sífellt meira 
sjálfbjarga með reikningsskilavinnuna, ekki síst vegna þess að þau sækjast 
mjög eftir að ráða endurskoðendur til starfa. Flest bendir til að þessi 
þróun sé eða verði með svipuðum hætti hér á landi sem í nágrannalöndunum. 
Endurskoðunarstofur hafa á síðustu árum leitað í æ meira mæli eftir 
verkefnum hjá opinbera geiranum. Þar hefur fyrst og fremst verið um 
fjárhagsendurskoðun að ræða. 
Í fyrirlestrinum verður vakin athygli á því að stjórnsýsluendurskoðun 
(SSE) er óaðskiljanlegur hluti af endurskoðun hjá opinberum aðilum. 
Endurskoðendur hafa til þessa ekki talið SSE vera í sínum verkahring; 
jafnvel litið svo á að hún samrýmist ekki óhæðishugtakinu og eigi því 
eingöngu að vera á könnu hins opinbera. 
Sýnt verður fram á að þarna gætir misskilnings og að endurskoðendur eigi 
einmitt sóknarfæri í gegnum SSE. Því sé mikils um vert fyrir þá að kynna 
sér fræðilegan grundvöll hennar og aðferðir. 
Fyrirlesturinn gefur eina endurmenntunareiningu í endurskoðun.

-------------- next part --------------
An HTML attachment was scrubbed...
URL: http://listar.hi.is/pipermail/vid-stund/attachments/20070226/db76158e/attachment.html