[Vid-stund] Málstofa í dag: Er Ísland bananalýðveldi? Atvi nnuþróun undanfarinna Atvinnuþróun undanfarinna ára.

[Áshildur Bragadóttir]

Er Ísland bananalýðveldi?               Atvinnuþróun undanfarinna ára

Málstofa miðvikudaginn 8. nóvember 2006
kl. 12:20 í Odda stofu 101

Örn D. Jónsson prófessor heldur fyrirlesturinn "Er Ísland bananalýðveldi?
Atvinnuþróun undanfarinna ára" í málstofu viðskipta- og hagfræðideildar.

Eitt helsta umhugsunarefni síðustu ára nýliðinnar aldar var hvort og
hvernig mætti auka fjölbreytni útflutnings. Nú, tæpum tíu árum síðar, er
litið á aukin alþjóðatengsl íslenskra fyrirtækja sem óstöðvandi
sigurgöngu. Þó má merkja vissar áhyggjur í opinberri umræðu. Er verið að
fara of geyst? Taka of mikla áhættu?

Í fyrirlestri Arnar verður fjallað um umskipti íslensks atvinnulífs með
hliðsjón af kenningum um nýsköpunarkerfi og þeirri spurningu velt upp
hvort að atvinnuþróun undanfarinna ára sé of bundin við landamæri
þjóðríkisins. Færð eru rök fyrir því að íslenskt atvinnulíf sé að verða
eða sé orðið greinabundið alþjóðlegt tengslanet sem í sívaxandi mæli tekur
mið af hnattrænum sérkennum einstakra atvinnugreina og spurt hvaða áhrif
það hefur á núverandi atvinnuþróun og í fyrirsjáanlegri framtíð.

Allir velkomnir.