[Vid-stund] Ný grein

[ajonsson at hi.is]

Heil og sæl
 
Ný grein hefur birst í Tímariti um viðskipti og efnahagsmál. Hún er eftir
Ólaf Briem og ber nafnið "Leverage Behaviour in the G-7 Countries and the
Influence of Stock Returns." Sjá nánar á eftirfarandi vefslóð
http://www.vidskipti.hi.is/id/1013599 <http://www.vidskipti.hi.is/id/1013599
ágripi>   eða ágripi hér að neðan. 
 
 
Frá því að TVE var stofnað hefur ritstjórnin verið einhuga um að tryggja
gæði birtra greina. Þannig hefur aðeins um helmingur aðsendra greina komist
í gegnum ritrýnisferilinn til birtingar frá stofndegi. Á þessu ári hafa
þrjár greinar verið samþykktar til birtingar (sú þriðja er brátt væntanleg)
en þremur verið annað hvort hafnað eða vísað aftur til höfunda til verulegra
lagfæringa.  Tvær aðrar greinar eru nú í ritrýnisferli og á ég því von á því
að heildarfjöldi birtra greina á árinu 2005 verði á bilinu 4-5. En þær
greinar sem eru langt komnar ritrýnisferli á árinu 2005 teljast til útgáfu
þess árs jafnvel þó ferillinn geti dregist örlítið fram á árið 2006.
 
Ég vil gjarnan hvetja deildarfólk til þess að senda inn fleiri greinar til
tímaritsins á nýju ári, en alger þagmælska ríkir um framgang og niðurstöður
ritrýnisferilsins þar til - og ef - greinin hlýtur birtingu. Ykkur er einnig
frjálst ef þið hafið hugmyndir eða drög að greinum að bera þær undir mig með
óformlegum hætti. 
 
 
Með bestu kveðju
 
Ásgeir
 
 
 
 

 <http://www.vidskipti.hi.is/solofile/1007705> Leverage Behaviour in the G-7
Countries and the Influence of Stock Returns   
Ólafur Briem

Ágrip

Greinin fjallar um skuldsetningu fyrirtækja og fjármögnun þeirra og
viðfangsefnið það að leiða í ljós hvort fyrirtæki sýni viðleitni til að
velja sér fast og fyrirfram ákveðið hlutfall skulda og eigin fjár.
Samanburður er gerður á skráðum fyrirtækjum G-7 landanna sem er áhugaverður
fyrir þær sakir að löndunum má skipta niður í tvo mismunandi flokka eftir
stjórnunarháttum og eignarhaldi.  Má ætla að hinar sígildu kenningar um
fjármál fyrirtækja eigi frekar við um lönd þar sem eignarhald er dreift og
eða hlutafjármarkaðir eru stórir (Bretland, BNA og Japan).  Niðurstöðurnar
leiða í ljós að skuldahlutfall fyrirtækja er almennt flöktandi og
tilviljunarkennd breyta sem er undir afgerandi áhrifum markaðsvirðis
eiginfjár þrátt fyrir að umfang fjármögnunar sé nægjanleg til að hafa stjórn
á hlutfallinu.  Þegar skuldahlutfall er miðað við bókfært virði eigin fjár
er það stöðugra yfir tíma en virðist samt ekki hafa tilhneigingu til að
leita jafnvægis.

-------------- next part --------------
An HTML attachment was scrubbed...
URL: http://listar.hi.is/pipermail/vid-stund/attachments/20051219/29dd224a/attachment.html