[ÖRFÍ]Fræðsluerindi á Keldum: Smitandi æxlisfrumur í ljósi þróunar.

[Birkir Þór]

Þessi póstur er sendur tengiliðum við stofnanir, fyrirtæki, félög og 
hópa, til að kynna fræðsluerindi sem haldin eru á Tilraunastöðinni að 
Keldum. Vinsamlegast áframsendið með tölvupósti eftirfarandi upplýsingar 
til ykkar fólks.

*Fræðsluerindi á Tilraunastöð Háskóla Íslands í meinafræði að Keldum.*

Fyrirlesari: *Sigurður Ingvarsson*, prófessor og forstöðumaður á Keldum.

Heiti erindis: *Smitandi æxlisfrumur í ljósi þróunar.*

Erindið verður haldið _fimmtudaginn 22. febrúar kl. 12:20_, í bókasafni 
Tilraunastöðvarinnar.

Æxlismyndun er þróunarfræðilegt ferli með flóknu samspili æxlisfrumunnar 
og þess líkama sem hún vex í. Smitandi æxlisfrumur eru sjaldgæft 
fyrirbæri, en þær geta smitast milli einstaklinga. Kynmök, bit og klór 
eru helstu smitleiðir hjá þeim tveimur dýrategundum sem helst hafa verið 
rannsakaðar m.t.t. smitandi æxlifruma, hundur og Tasmaníudjöfull. 
Upphaflega æxlisfruman sem smitar í tilfelli “Canine transmissible 
veneral tumours (CTVT)“ hefur þróast með hýslum sínum í nokkur þúsund ár 
og dreifst víða, meðan sú sem veldur „Tasmanian devil facial tumor 
disease (DFTD)“ er mun yngri og landfræðilega einangruð. Sjúkdómsmyndin 
í Tasmaníudjöfli er mun alvarlegri en hjá hundi og veldur oftast dauða. 
Einnig eru þekktar smitandi æxlisfrumur í rannsóknarstofumódelum í 
hömstrum. Sérstakt náttúruval hefur átt sér stað hjá smitandi 
æxlisfrumum og þær hafa m.a. svipgerð sem hjálpar þeim að sleppa frá 
ónæmisvörnum hýsilsins. Nýlegar uppgötvanir á smitandi æxlisfrumum í 
lindýrum benda til að þetta fyrirbæri gæti verið algengara  en áður var 
talið. _______________________________________________________________

Birkir Þór Bragason
Tilraunastöð H.Í. í meinafræði að Keldum



-------------- next part --------------
An HTML attachment was scrubbed...
URL: <http://listar.hi.is/pipermail/gerlanet/attachments/20180220/dd999f69/attachment-0001.html>
-------------- next part --------------
A non-text attachment was scrubbed...
Name: Bor?i ?slenskur - JPEG format_ed.jpg
Type: image/jpeg
Size: 19012 bytes
Desc: not available
URL: <http://listar.hi.is/pipermail/gerlanet/attachments/20180220/dd999f69/attachment-0001.jpg>