[ÖRFÍ]Fræðsluerindi á Keldum: Ný lög um velferð dýra - hvaða breytingar hafa átt sér stað?

[Birkir Þór Bragason]

_
Þessi póstur er sendur tengiliðum við stofnanir, fyrirtæki, félög og 
hópa, til að kynna fræðsluerindi sem haldin eru á Tilraunastöðinni að 
Keldum. Vinsamlegast áframsendið með tölvupósti eftirfarandi upplýsingar 
til ykkar fólks. _

*
*

*
Fræðsluerindi á Tilraunastöð Háskóla Íslands í meinafræði að Keldum.*

Fyrirlesari: *Þóra Jóhanna Jónasdóttir*, dýralæknir gæludýra og 
velferðar, Matvælastofnun.

Heiti erindis: *Ný lög um velferð dýra - hvaða breytingar hafa átt sér 
stað?*

Erindið verður haldið *_fimmtudaginn 6. febrúar kl. 12:20_*, í bókasafni 
Tilraunastöðvarinnar.

Um síðastliðin áramót tóku gildi ný lög um dýravelferð, ásamt nýjum 
lögum um búfjárhald. Eftirlit með lögunum hefur verið flutt frá 
Umhverfisstofnun og sveitarfélögum til Matvælastofnunar (MAST). Þar með 
er eftirlit með dýravelferð komið á einn stað sem gera á málsmeðferð 
einfaldari og skilvirkari.

Nýju dýravelferðarlögin eru víðtækari og ítarlegri en fyrri lög um 
dýravernd. Markmið nýju laganna er að stuðla að velferð dýra, það er að 
segja að þau séu laus við vanlíðan, hungur, þorsta, ótta, þjáningu, 
sársauka, meiðsli og sjúkdóma. Í nýju lögunum kemur fram að dýr séu 
skyni gæddar verur og ná lögin nú til dýra sem áður hafa ekki fallið 
undir lög um dýravernd, svo sem tífætlukrabba, smokkfiska og býflugna. 
Einnig gilda lögin um fóstur sem náð hafa vissu þroskastigi.Markmið 
laganna er enn fremur að dýr geti sýnt sitt eðlilega atferli eins og 
frekast er unnt. Einnig eru í lögunum mörg nýmæli eins og til dæmis að 
dýr hafi rétt til að fá lækningu eða líkn, og að sveitarfélagi sé skylt 
að sjá til þess að gripið sé til aðgerða ef um hálfvillt eða villt dýr 
er að ræða. Þeim sem verður vart við að dýr sé sjúkt, sært, bjargarlaust 
eða að aðbúnaður sé ekki fullnægjandi ber að tilkynna slíkt til 
umráðarmanna eða lögreglu. Á www.mast.is er einnig hægt að senda inn 
slíkar ábendingar undir nafni eða nafnlaust.Lögin fela í sér þá 
breytingu fyrir gæludýraeigendur að einstaklingsmerkja skal hvert dýr, 
en áður hefur slíkt verið háð ákvörðun sveitarfélaga.

Nýju lögin veita stofnuninni víðtækari heimildir við beitingu 
þvingunarúrræða þegar brotið er gegn ákvæðum þeirra og verður heimilt að 
beita dagsektum, stjórnvaldssektum eða stöðva starfsemi sé tilefni til 
þess. MAST mun einnig verða heimilt að framkvæma vörslusviptingu, leggja 
tímabundið bann við dýrahaldi eða fara fram á að dýraeigandi verði með 
dómi sviptur heimild til að hafa dýr í umsjá sinni hafi hann gerst sekur 
um stórfellt eða ítrekað brot á lögunum.

_______________________________________________________________

Birkir Þór Bragason

Tilraunastöð H.Í. í meinafræði að Keldum


-------------- next part --------------
An HTML attachment was scrubbed...
URL: http://listar.hi.is/pipermail/gerlanet/attachments/20140203/3af1761f/attachment-0001.html 
-------------- next part --------------
A non-text attachment was scrubbed...
Name: Bor?i ?slenskur - JPEG format_ed.jpg
Type: image/jpeg
Size: 19012 bytes
Desc: not available
Url : http://listar.hi.is/pipermail/gerlanet/attachments/20140203/3af1761f/attachment-0001.jpg